TOP

Aba paaka y'e Mpereerwe balonze akakiiko akapya

By Moses Lemisa

Added 26th June 2019

ABAKULEMBEZE ba paaka y’e Mpereerwe balemereddwa okulaga ensaasanya ya ssente za baddereeva ekiwalirizza RDC w’e Kawempe, Deborah Nabukenya okubayimiriza ne balonda olukiikoo lw’ekiseera.

Bya MOSES LEMISA

ABAKULEMBEZE ba paaka y’e Mpereerwe balemereddwa okulaga ensaasanya ya ssente za baddereeva ekiwalirizza RDC w’e Kawempe, Deborah Nabukenya  okubayimiriza ne balonda olukiikoo lw’ekiseera. 

Aba takisi nga bakulemberwa Sadiki Ssemayobe n’olukiiko lwe baludde nga babalumiriza okubulankanya ssente n’okubaleteeranga bakifeesi ne babakuba.

Kyawalirizza  abawakanya okutandikawo paaka  endala ng’eno eriraanaganye n’enkadde nga mmotoka zigenda mu bitundu by’ebimu okuli Buwambo, Kiteezi, Nammere n’ebirala. 

Ku Lwokubiri Nabukenya yasisinkanye baddereeva ne bakondakita ku ofiisi ye  ne bamunnyonnyola ensonga zaabwe.

Baategeezezza nti baakoma okufuna ssente mu 2017. Baagasseeko nti ne bwe bafuna obuzibu tebayambibwa nga n’ettaka eryagulwa e Luweero polot zaawebwako balondemu naddala abaali bawakanya Ssemayobe n’olukiiko n’ekigendererwa ky’okubasirisa. 

Abaafuna poloti  baategeezezza nti baaweebwa fuuti 23-50 ne baweebwa endagaano ng’ekyapa kiri mu mikono gya Ssemayobe ekitegeezza nti ye nnanyini ttaka. 

Baategeezezza nti baagala kwegatta  bafune olukiiko lumu olutwala paaka zombi. 

Baalaze n’obupapula bwe bazze balopeerako emisango ku poliisi y’e Kanyanya nga bakubiddwa ba kifeesi abaleetebwa Ssemayobe.

Nabukenya  yalagidde   Ssemayobe n’olukiiko lwe okulaga ensaasanya ya ssente  nga baabadde n’ekipapula okwabadde emiwendo gya ssente ze bazze basaasanya ku bintu ebyenjawulo nga tebalina lisiiti ekyawalirizza Nabukenya okubayimiriza ne balonda olukiiko olw’ekiseera okuli ssentebe Isaac Kiwanuka, omuwandiisi Richard Ssemakula, omukanika Kawooya nga bano bakubeerako okumala omwezi gumu.

More From The Author

Emboozi z’omuwandiisi endala

Emboozi endala

Fanayo 220x290

Obukodyo mukaaga bwe nkozesa okulembeka...

OBUYIIYA bwa ssente ebiseera ebisinga kiva ku kusoma embeera gy’otambuliramu, kati mu kaseera nga kano ak’ennaku...

Wano 220x290

Centenary bank etadde ssente mu...

Aba Centenary bank beegasse ku Bukedde famire mu nteekateeka yaabwe ey’okuddiza ku basomi ba Bukedde, abalabi ba...

Ye 220x290

Omusajja ow'ebbuba asazeesaze mukazi...

OMUSAJJA alumbye mukyala we ku bugenyi gw’alinamu abaana bana, n’amusala obulago n’amutta ng’amulumiriza obwenzi....

Funsa 220x290

Eyali Bishop. w'e Moroto afudde...

EYALIKO Omusumba w’e Moroto Bp. Henry Apaloryamam Ssentongo 83, afudde.

Fdc21a700517 220x290

Kkooti egobye omusango gwa Besigye...

KKOOTI etaputa Ssemateeka ewadde Dr. Kiiza Besigye amagezi okugenda mu kkooti ezize oba eri omulamuzi eyamulayiza...