TOP

Bakansala bakubaganidde mu kanso

By Eria Luyimbazi

Added 27th June 2019

KANSO y’e Lubaga eyayitiddwa okuteesa ku kasasiro asusse mu Munisipaali eyo yayiise oluvannyuma lwa bakansala okuwaanyisiganya ebisongovu n’ekyaddiridde kulwaganagana.

Kanso 703x422

Bakansala nga bagezaako okutangira munnaabwe Lubega (wakati) okulumba Lusembo.

Bya ERIA LUYIMBAZI
 
KANSO y’e Lubaga eyayitiddwa okuteesa ku kasasiro asusse mu Munisipaali eyo yayiise oluvannyuma lwa bakansala okuwaanyisiganya ebisongovu n’ekyaddiridde kulwaganagana.
 
Embeera okutabuka, bakansala baasoose kukakasa ebiteeso bya kanso eyasembyeyo wabula ne bafuna obutakkaanya ku kkampuni eziyoola kasasiro ng’abamu bawagira zisigale nga zikola kyokka abalala nga bakiwakanya.
 
Omumyuka Meeya Asuman Ntale eyakubirizza kanso ebintu byamutabuseeko Kansala Juma Lubega amanyiddwa nga Kabotongo (Kabowa I) bwe yasituse ng’agamba nti baali basazeewo kkampuni zonna eziyoola kasasiro zigobwe mu Lubaga kuba omulimu ogwazikwasibwa guziremye ng’ayagala KCCA yezze obuvunaanyizibwa wabula banne ne bamuwakanya nga bagamba nti zikoze bulungi.
 
Wabula Musa Lusembo (Ndeeba III) yamucoomedde n’amulagira atuule wansi kuba yabadde alemesa olukiiko okugenda mu maaso nga kino kyaggye Lubega mu mbeera n’amwambalira ne beesika ebitogi era baabadde bafunya ku mikono gy’amasaati gaabwe bakubagane, bakansala abalala ne babatebuka.
 
Embeera yalemeredde Ntale n’alagira omuserikale wa kanso okukwata omuggo ogwa Kanso ne bafuluma olukiiko, bw’etyo kanso n’eyabuka.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...