TOP
  • Home
  • Amawulire
  • boogeraOmubbi ayingidde ekikomera e Kasubi n’asalaasala omutuuze

boogeraOmubbi ayingidde ekikomera e Kasubi n’asalaasala omutuuze

By Musasi wa Bukedde

Added 11th July 2019

boogeraOmubbi ayingidde ekikomera e Kasubi n’asalaasala omutuuze

Fut2 703x422

Ajuna ng’annyonnyola oluvannyuma lw’okufuna obujjanjabi.

OMUBBI ayingiridde ekikomera e Kasubi mu Zooni II n’asalaasala omuvubuka wa yunivasite ebiso abatuuze ne bamutaayiza ne bamutta.

Zaabadde ssaawa 11:00 ku Lwokusatu ku makya, Allan Ajuna omuyizi ku yunivasite y’e Makerere ng’ava ku ssomero gye yabadde yasuze, ng’ayingira ekikomera, omuvubuka omu n’amuva emabega n’amussa ekiso ku bulago n’amugaana okubaako ky’ayogera ne bayingira bombi.

Ajuna olwamuyingizza mu muzigo mw’asula, omutemu n’amusiba emikono n’amagulu n’atandika okusiba buli kintu kye yabadde ayagala nga bw’amutiisatiisa nti bw’abaako ky’anyega ajja kumusalako obulago.

Omutemu mu bimu ku bye yapakidde, mwe muli essimu bbiri, laptop, n’ebintu ebirala. Bwe yamaze okusiba ebintu n’asaba ekisumuluzo kya geeti n’asitula ekisawo n’akissa ku mugungo afulume. Wabula Ajuna mu kiseera kino amagulu gaabadde gasumulukuse kwe kusamba oluggi ne lukuba omubbi n’agwa.

Ajuna yalayizza enduulu era abadduukirize baasanze agezaako okulinnya ekikomera adduke ne bamutaayiza ne batandika okumukuba okutuusa lwe baamusse. Poliisi we yatuukidde yasanze abatuuze tebasalirako musale kwe kutikka omulambo ku kabangali n’egutwala mu ggwanika e Mulago.

Peter Tamale ssentebe wa LC2 mu Kasubi yategeezezza nti, obubbi obulimu n’ettemu bungi ennaku zino nga businze kuva ku bavubuka abatayagala kukola ne balowooleza mu kunyaga.

Ono era yavumiridde eky’abatuuze okutwalira amateeka mu ngalo kuba kiviirako okulemesa poliisi okuzuula abamenyi b’amateeka abalala era n’awa abantu naddala abayizi ba yunivasite amagezi okuba abeegendereza nga batambula ekiro Abatuuze beekkokodde obubbi obususse mu kitundu kyabwe ne basaba Gavumenti ebateere kkamera mu kitundu kyabwe kuba zibadde zaakubayamba okuzuula ono eyattiddwa ne banne abalala be yabadde nabo

More From The Author

Emboozi z’omuwandiisi endala

Emboozi endala

Mot1 220x290

Ababbi babbye nnamba za mmotoka...

Ababbi babbye nnamba za mmotoka e Kyengera ne basaba ssente

Lab1 220x290

GAVANA alabudde abayuza n'okuwandiika...

GAVANA alabudde abayuza n'okuwandiika ku ssente

Lop1 220x290

Minisita ayagala KCCA esse obukwakulizo...

Minisita ayagala KCCA esse obukwakulizo obupya ku baagala okuzimba ebizimbe mu Kampala

Funayo 220x290

Attottodde engeri omuzigu gye yatemye...

OMUKAZI Florence Nannyombi ‘omutujju’ gwe yasikambuddeko omwana we Amos Sekanza ow’emyaka omusanvu n’amutemako...

Gata1 220x290

Omusajja atemyeko abantu 4 emitwe...

OMUSAJJA bwe yatemyeko obulago abantu bana, baasoose kumuyita mulalu. Azzeeyo ku kyalo n’atemako emitwe abalala...