TOP

Omukuumi eyasseomusuubuzi ayogedde

By Musasi wa Bukedde

Added 11th July 2019

Omukuumi eyasseomusuubuzi ayogedde

Dat2 703x422

OMUKUUMI eyakubye omusuubuzi w’omu Kampala, Arnold Ainebyona Mugisha essasi eryamutiddewo ayogedde ebyabaddewo n’alumiriza omugenzi ne banne nti baasusizza ejjoogo.

Emmanuel Okirya gwe twasanze mu ddwaaliro e Mulago gyajjanjabirwa yagambye nti, Ainebyona ne baganda be, baasoose kukuba munne (Awaze) ebikonde era ye, yabadde azze kumutaasa.

Yagasseeko nti, mu kugezaako okutaasa, Ainebyona ne baganda be, baalemye okuwuliriza ne bongera okusiiwuuka empisa naye ne bamuvuma ne bamukuba n’ebikonde. “Munnange baamukoonye n’agwa wansi ne ngezaako okubayimiriza ne baagala okunkoona kwe kukwata emmundu nkube essasi mu bbanga kyokka nange simanyi ngeri ssasi gye lyawabye ne likwata Ainebyona.”Okirya bwe yategeezezza.

Yagasseeko nti, “baganda ba Ainebyona bwe baalabye nga munnaabwe akubiddwa, bannumbye bankoleko olutalo kwe kusuula wansi emmundu ne nziruka kwe kugwa mu bantu abankubye bwe bati. Okiria eggulo yasiibuddwa okuva e Mulago n’atwalibwa ku poliisi ya Kira Division awali fayiro CRB 530/2019.

Okirya ku Quality Supermarket e Naalya abadde yaakakolerawo emyezi musanvu gyokka.

EBYABADDE MU KUSABIRA AINEBYONA

Eggulo, omulambo gwa Ainebyona gwatwaliddwa ku kkanisa ya All Saints e Nakasero emikwano n’enganda gye beebalizza Katonda olw’obulamu bwe.

Plan Mugisha, kitaawe w’omugenzi yagambye nti, gavumenti eveeyo eyambe Bannayuganda erwanyise emmundu eziri mu bantu abatamanyi ngeri ya kuzikozesa.

Yagambye nti, batabani be buli ku makya, babadde bakeera mu giimu eri ku kizimbe ekiddiridde Quality Supermarket. Carol Kagezi muwala w’omugenzi Joan Kagezi abadde omu ku ba fanfe ba Ainebyona yagambye nti, tewali ku bbo yamanyako nti aliyogera ku Ainebyona nga mufu. Yagambye nti, abadde muntu wa ddembe nga ne bwe muba musoowaganye, alinda enkeera n’akunoonya ne yeetonda.

Nnyina yamutenderezza omutima omulungi gwabadde nagwo. Okusaba kwakulembeddwa Rev. Dr. Medad Birungibyayesu eyasabye abantu okwewala obusungu. Yagmbye nti, singa tebwabadde busungu, Ainebyona teyandifudde.

More From The Author

Emboozi z’omuwandiisi endala

Emboozi endala

Nakalembe1 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Sebulime1 220x290

Famire ya Ssebulime ekukkuluma...

FAMIRE y’omugenzi Ronald Ssebulime eyakubwa poliisi amasasi ng’ateeberezebwa okuba mu lukwe lw’okwagala okutta...

War1 220x290

Tekinologiya wa Iran asannyalazza...

TRUMP yabadde takisuubira nti Iran erina tekinologiya asobola okusannyalaza ennyonyi za America! Kyamukubye wala...

Kalule1 220x290

Enkola empya eya UNEB eyongedde...

EKITONGOLE ekivunaanyizibwa ku bigezo ekya UNEB, enkyukakyuka ze kyakola mu bibuuzo bya PLE omwaka oguwedde zikyusizza...

Skjhtlu3 220x290

Loodi Meeya takyaddamu kukubiriza...

OLUVANNYUMA lw’ennongoosereza ezaakoleddwa mu tteeka erifuga Kampala okulangibwa mu katabo k’eggwanga aka Uganda...