TOP

Omuyizi bamutemyeko omutwe

By Musasi wa Bukedde

Added 12th July 2019

Omuyizi bamutemyeko omutwe

Wet2 703x422

Caroline Akoth omuduumizi wa poliisi (ku kkono) e Rwiizi ne ttiimu ya Poliisi nga beekebejja we battidde Tumwehe.

ABATUUZE ku byalo eby’enjawulo ebisangibwa mu Ggombolola y’e Mwiizi mu disitulikiti y’e Rwampara, bali mu bunkenke olw’ekittabantu ekikyase ensangi zino. Kino kiddiridde abazigu okutemako omuyizi omutwe ne balembeka omusaayi ne bakuliita nagwo.

Mu kiro ekyakeesezza Olwokusatu ku kyalo Kyatoko, abazigu baagwiikirizza Benard Tumwehe ow’emyaka 17 ng’ava ku dduuka ne bamutemako omutwe ne balembeka omusaayi ne bakuuliita nagwo.

Munne Geofrey Nduhura ye yakubye enduulu eyasombodde abatuuze naye ebyembi baagenze okutuuka ng’abatemu badduse. Ettemu lino we libeereddewo, abakulembeze mu kitundu, bategeezezza poliisi nga abazigu bwe baakatta abantu basatu mu ngeri y’emu nga babatemako emitwe nga eyasoka yali mutuuze we Ryamiyonga, omulala yali w’e Kyonyo nga ono baasooka kumukuba nnyondo ku mutwe oluvannyuma ne bamutemako omutwe ne bamulembekamu n’omusaayi.

Godfrey Sande, ssentebe w’e Ggombolola ya Mwiizi ategeezezza nti, mu kiseera kino abantu bali ku bunkenke olw’ebikolwa by’ettemu ebisusse era n’ategeeza aduumira poliisi mu kitundu kino, Caroline Akoth ng’abazigu bwe baasooka okubasuulira ebibaluwa bikirokitwala omunaku nga babalabula nga bwe beetaaga ebidomola bisatu eby’omusaayi gw’abantu n’emitwe wadde ng’abatuuze abalala baategeezezza nti ebibaluwa ebirala, bibalabula nti baagala ebidomola munaana eby’omusaayi gw’abantu.

Abatuuze era balaajanidde abeebyokwelinda okubaako kye bakola okumalawo ettemu erikudde ejjembe mu kitundu kyabwe kuba beeraliikirivu ku lw’abaana baabwe abakeera amatumbibudde okugenda ku masomero.

Baasabye Gavumenti okulagira abakulira amasomero okukkiriza abayizi okugenda ku masomero ng’obudde bukedde kubanga batya nti abazigu bayinza okubazinduukiliza ne babatuusaako obulabe.

Ettemu lino lisitudde n’omuduumizi wa poliisi ya Rwiizi, Caroline Akoth, eyasaasidde abooluganda lw’omugenzi n’asaba abatuuze okubeera abakkakkamu n’okukolaganira wamu ne poliisi mu kunoonyereza ku kitta bantu mu kitundu kyabwe.

Abatuuze basabye poliisi okwongera obukuumi mu kitundu era ne bategeeza nti, abatemula bannaabwe, bandiba nga basaawo abassadaaka abantu kubanga buli lwe batema omuntu kye basooka okukola kya kulembeka musaayi.

More From The Author

Emboozi z’omuwandiisi endala

Emboozi endala

Coulple 220x290

By’okola okwewala ekyeyo okusattulula...

RACHEAL 49, yaakamala emyaka 15 mu bufumbo era balina abaana basatu. Emirimu agikolera bweru wa Uganda, wabula...

69403329063enmasterfile 220x290

Omusajja amalako weepimire ku luyimba...

OMUSAJJA amalako alina kwepimira ku luyimba lw’oku leediyo. Bw’ossaako oluyimba naawe n’otandika akaboozi, n’okooyera...

Forever 220x290

Brenda nvaako nze nfi ira ku bakazi...

OMUYIMBI Chris Evans ayanukudde omuwala manya omukazi Brenda Nafula eyabadde ku pulogulaamu y’Abanoonya ku Bukedde...

Pop1 220x290

Abakungu ba poliisi bakyusiddwa...

Abakungu ba poliisi bakyusiddwa

Got 220x290

Col. Besigye bulijjo nkunoonya...

DR. Kiiza Besigye, Omubaka Medard Lubega Sseggona n’abakungu abalala be bamu ku bantu abangi abeetabye ku mukolo...