TOP
  • Home
  • Amawulire
  • Gavt. esiimye ebitongole ebisikiriza abavubuka okuyingira obulimi n’obulunzi

Gavt. esiimye ebitongole ebisikiriza abavubuka okuyingira obulimi n’obulunzi

By Musasi wa Bukedde

Added 15th July 2019

Gavt. esiimye ebitongole ebisikiriza abavubuka okuyingira obulimi n’obulunzi

Kub2 703x422

Dr. Roselline Nyamutale AKULIRA SASAKAWA mu Uganda (wakati) ne Dr. Rwamigisa Kaminsona mu minisitule y’obulimi n’obulunzi nga balambula omudaala gw’enva endiirwa ezirimiddwa abavubuka.

EBITONGOLE ebiyamba okutumbula ebyobulimi mu ggwanga bisabye Gavumenti ekozese abavubuka abatono abali mu kisaawe ky’obulimi mu kiseera kino okusikiriza bannaabwe abatalina mirimu okwetandikirawo egyabwe, n’okukoseza amaanyi gaabwe ag’ekivubuka mu kulima n’okulunda, okwaza emmere mu ggwanga n’okulwanyisa obwavu.

Bino byabadde Ntaawo ku MUZARDI ekitongole kya Gavumenti ekinoonyereza ku bulimi n’obulunzi mu musomo ogwategekeddwa ekitongole kya SASAKAWA eri ekibinja ky’ abavubuka 60 abaalondeddwa okuva mu bitundu by’eggwanga eby’enjawulo okubabangula mu ngeri gye bayinza okuyamba Gavumenti okusikiriza bavubuka bannaabwe mu bitundu gye bava okuyingira mu by’obulimi n’obulunzi, n’engeri gye bayinza okufuna ssente za Gavumenti ez’abavubuka (Youth Livelihood) okuteeka mu mirimu gy’obulimi.

Akulira ekitongole kya SASAKAWA mu ggwanga nga kino kiyamba abalimi okwongera omutindo ku bye balima ne bye balunda, Dr. Roselline Nyamutale yagambye nti mu myaka mitono egijja mu maaso Uganda yandigwamu enjala kakutiya ssinga Gavumenti tesitukiramu kuyingiza bavubuka mu bulimi n’obulunzi kuba abalima batono ate bakaddiye kyokka ng’omuwendo gw’abantu ogusinga obunene mu ggwanga bavubuka abatalima.

Yagambye nti, SASAKAWA etaddewo ebirabo eri abavubuka bassekinnoomu n’abali mu bibiina okusikiriza abavubuka okuyingira obulimi n’ategeeza nti kuno bajja kugattako n’okubayamba okunoonya obutale, n’ebitongole ebiyinza okubawola.

Dr. Patience Rwamigisa, Kaminsona mu Minisitule y’ebyobulimi n’obulunzi n’obuvubi eyakiikiridde minisita Vincent Bamulangaki Ssempijja, yagumizza abavubuka nti Gavumenti yayongezza ssente z’essa mu by’obulimi n’abavubuka mu mwaka gw’ebyensimbi omupya eza Youth Livelihood.

Be basigadde okuzikozesa nga babaako pulojekiti z’ebyobulimi n’obulunzi ze bateekawo Gavumenti ebongeremu. Yagambye nti, obulimi, obulunzi n’obuvubi lye kkubo eryangu erijja okuyamba eggwanga okuvvuunuka ekizibu ky’ebbula ly’emirimu mu bavubuka, enjala n’obwavu.

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.