TOP
  • Home
  • Amawulire
  • Bebe Cool aleese amaanyi: Atuusizza ebyuma bya situdiyo abayimbi ba kuno bafulumye ennyimba ezivuganya ez’ebweru

Bebe Cool aleese amaanyi: Atuusizza ebyuma bya situdiyo abayimbi ba kuno bafulumye ennyimba ezivuganya ez’ebweru

By Musasi wa Bukedde

Added 19th July 2019

OMUYIMBI Bebe Cool aleese amaanyi!, Nga yaakamala okutuusa kapyata ekika kya Land Cruiser V.* ZX Model 2019 gy’agamba nti egenda kumalawo obukadde 600 ng’emisoso gyonna giwedde, ate kati aleese ebyuma bya situdiyo okukwata ennyimba ne vidiyo.

Anita 703x422

Bebe agamba nti ebyuma bigenda okukola situdiyo ekwata ennyimba ne vidiyo nga y’esinga mu buvanjuba bwa Afrika nga byamazeewo emitwalo gya doola 45.

“Situdiyo eno nagikoze okuyamba ku bayimbi Bannayuganda abanene n’abakyali abato okukola ennyimba ezituukagana n’omutindo gw’ensi yonna kisobozese Bannayuganda okuvuganya n’abayimbi b’omu Nigeria, South Africa, Jamaica, Amerika n’abalala,’’ bwe yagambye. Agamba nti amaze emyaka 25, ng’ateeka ssente mu myuziki abamu ku Bannayuganda kye baasooka okulowooza nti alya ndye.

Bebe Cool agamba nti okukola ennyo n’obwesigwa bw’alina eri abawagizi be omuli ne Pulezidenti Yoweri Museveni n’abagagga b’omu Kampala okuli Godfrey Kirumira, Hamis Kiggundu (Ham) n’abalala bye bimuyambye okutuuka waali.

 

“Bw’obeera omugezi era omukozi mu kiseera kino ekya Pulezidenti Museveni ku mbeera ennungi gye yateekawo mu ggwanga, kyangu nnyo okugaggawala. Nze ly’ekkubo lye nakwata. Kati ebibuuzo nti Bebe Cool ssente zaakola aziteeka wa tebikyalina makulu.

Omuyimbi yenna okulinnya waggulu alina okuteeka ssente mu myuziki n’ayingira emitima gy’abantu era ye nsonga lwaki nze buli muntu n’eyandipalanye amaliriza awuliriza oba alaba omuziki gwe nkuba,’’ bwe yagambye.

Mu December w’omwaka oguwedde Bebe yayingira ennyumba ye kw’agenda okuteeka abapangisa ng’amalirirzza amaka ge agali e Kiwatule.

Emmotoka ya Land Cruiser agigasse ku Hummer eriko “BIG SIZE”, Mercedes Benz CLS 350 n’endala.

Bebe Cool aleese amaanyi Agamba nti Pulezidenti Museveni awagidde nnyo abayimbi era okumubeera ku lusegere takyejjusa.

Ng’ayogera ku bavubuka yabagambye nti balina okumanya nti ebirungi bye beegomba balina kusooka kubikolerera n’okwettanira ennyo polojekiti za gavumenti.

More From The Author

Emboozi z’omuwandiisi endala

Emboozi endala

Got2 220x290

Obadde okimanyi nti butto w’ekisubi...

Obadde okimanyi nti butto w’ekisubi akola ku musujja mu bantu, enkoko n’ebisolo ? Soma wano mu mboozi y'omukenkufu...

Lab2 220x290

Bawadde endowooza ku Ssemateeka...

Bawadde endowooza ku Ssemateeka

Kcca1 220x290

Mutebi awawudde abazannyi be

Lwokutaano, KCCA yeetegekera kuddiηηana ne African Stars ey'e Namibia, mu CAF Champions League e Lugogo. Mu gwasooka,...

Aviv 220x290

Aviv akubye ku mattu

Aviv, eyamenyekera mu kutendekebwa mu Amerika omwezi oguwedde wabula kati ali mu mbeera nnungi ng’era empaka za...

Kip2 220x290

Kkooti ewadde Lukwago obukadde...

Kkooti ewadde Lukwago obukadde 600