TOP

Aba poliisi 300 babanguddwa

By Musasi wa Bukedde

Added 21st July 2019

Aba poliisi 300 babanguddwa

Mo2 703x422

Sam Omala

SAM Omala alabudde bannabyabufuzi abagenda okwesimbawo mu kalulu ka 2021, obutatabangula ddembe ly’abantu n’obutamenya mateeka nga banoonya obululu.

Yasinzidde Namboole ng’afulumya abaserikale 300 abakitongole ekikola ebikwekweto n’okukkakkanya obujagalalo ekya Field Force Unit (FFC) okuva mu Kampala n’emiriraano. Agambye nti basoose kubangula ba Kampala kubanga Kampala ly’eriiso lya Uganda era bw’eba teriimu mirembe ne Uganda ebeera tetebenkedde.

Ategeezezza nti bannabyabufuzi ssi balabe ba poliisi wabula bakole ebintu ebirungi ebyo ebisobola okuwa ensi yaabwe ekifaananyi ekirungi. Agambye nti okubangulwa tekuggwa wadde nga babadde babangulwa, naye baddiddwaamu okuweebwa obukodyo obupya era oyo anaamenya amateeka, waakuvunaanwa ng’omuntu ssekinnoomu.

Rashid Agero atwala ekitundu kya Kampala agambye nti balina obukodyo bwe bafunye bwebataafuna omulundi ogwasooka.

Waabaddewo obwetaavu ng’abantu beemulugunya ku ngeri gye babakwatamu etyoboola eddembe lyabwe.

Yeebazizza abaduumizi, abatendekeddwa, n’abatendesi, n’abasaba bakole omulimu gwabwe mu bwerufu bafuule Uganda ekifo ekirungi eky’okubeeramu era bakole emirimu gyabwe ng’abatendeke ate mu mateeka.

Baakuguse mu kukwatamu abeekalakaasi abakanyuga amayinja, enkonyogo, abalina emmundu n’ebiso n’ebirala.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...