TOP

Ettaka litadde ssentebe mu kattu

By Martin Ndijjo

Added 1st August 2019

Ssentebe wa LC atabuse n'abaana ba bagandabe abamulumiriza okubatwalako ettaka lyabwe.

Kiz 703x422

abaana; Anna Nalika (ku ddyo) ne banne bwe beemulugunya.

FRED Kizito ssentebe wa zooni ya Lungujja-Kikandwa mu Munisi­pali y’e Lubaga ali mu kattu olu­vannyuma lw’abaana okuvaayo ne bamulumiriza okubatwalako ettaka ng’akozesa olukujjukujju.

Kizito era nga y’abadde ddeereva w’eyali katikkiro wa Uganda, omugenzi Apollo Nsibambi agu­gulana n’abaana ba baganda be abamulumiriza okubagobaganya ku ttaka ng’akozesa olukujjukujju n’alyezza.

Abaana mwenda nga ba­kulembeddwaamu Anna Nalika bagamba nti, tebayinza kukkiriza kojjaabwe kubatwalako ttaka nga batunula era ensonga bazitutte mu baamateeka.

 red izito Fred Kizito

Ettaka erivud­deko emberebezi liri ku ku Block 24 pulooti No. 1004 e Lungujja mu munisipali y’e Lubaga.

Nga bayita mu bannamateeka baabwe aba Nyanzi, Kiboneka & Mbabazi Advocates, bagamba nti ettaka lino lyali lya jjajaabwe omugenzi Maria Mangdalena Nakaima wabula ono yagenda okufa ng’alitadde mu mannya g’abaana abasatu okuli Fred Kizito (akyali mulamu), Birabwa ne Kibalama (abaafa) era nga buli muntu amulaze omugabo gwe we guyita.

Abaana bano abaabadde tebasalikako musale nga bwe baagezaako okusaba Kizito abawe omugabo w’abazadde baabwe basobole oukulaakulanyaawo ne yeerema , kwe kusalawo okugenda mu mateeka.

“Kyannaku nti omuntu eyasi­galawo nga avunaanyizibwa at­wefuulidde. Mu kifo ky’okutuwa buli omu omugabo gw’abazadde be, yasalawo kutugobaganya ne yezza ettaka lyonna awatali amukomako,” Nalika bwe yagam­bye.

 zimu ku nnyumba eziri ku ttaka eryogerwako Ezimu ku nnyumba eziri ku ttaka eryogerwako.

Kizito bwe yabuuziddwa ku nsonga zino yasoose kugaana kwogera ng’agamba ziri mu baamateeka kuba naye ezizze yazikwasizza bannamateeka be aba Katende, Ssempebwa & Co Advocates.

Kyokka oluvan­nyuma yakkirizza ne yeewolereza ng’agamba ebimwogerwako si bituufu n’agamba nti ettaka lye boogerako ye yalinunula okuva ku bantu bazadde baabwe be baaliguza ng’ayita mu kulibagu­lako.

“ Kituufu ettaka liri mu man­nya g’abantu basatu era mwan­nyinaze ne muganda wange nze eyabateekako kubanga baali baamugaso mu bulamu bwange. Kyo­kka Birabwa yagenda okufa ng’ekitundu ekikye akitunze kyonna. Ye Kibalama alina­wo awaasigalira era abaana be baazimbawo n’emizigo nga ne ssente be bazisolooza”.

Yagasseko nti kyam­wewuunyisizza okulaba abaana nga bamututte mu baama­teeka mu kifo ky’okumutuukirira bagon­joole ensonga. Wabula, abaana bakigaanye nga bagamba abayisizza mu bingi era kkooti y’erina okulamula.

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...