TOP
  • Home
  • Amawulire
  • Ssabalamuzi ayambalidde abakubye omulamuzi eccupa ng'asalira Dr. Stella Nyanzi omusango

Ssabalamuzi ayambalidde abakubye omulamuzi eccupa ng'asalira Dr. Stella Nyanzi omusango

By Muwanga Kakooza

Added 4th August 2019

Ssabalamuzi ayambalidde abakubye omulamuzi eccupa ng'asalira Dr. Stella Nyanzi omusango

Sab2 703x422

SSABALAMUZI Bart Katureebe avumiridde ebikolwa eby’efujjo ebyakoleddwa abantu ku  mulamuzi Gladays  Kamasanyu oluvannyuma lw’okusalira eyali omusomesa w’e Makerere Dr. Stella Nyanzi omusango gw’okukozesa obubi emikutu gy’empuliziganya.

Kino kyadiridde abantu okukuba omulamuzi ono akacupa n’okukola effujjo eddala bwe yabadde amaze okusalira Dr. Stella Nyanzi omusango ogwo ku Lwokutaano. Nyanzi yatwalibwa mu mbuga n’avunaanibwa omusango gw’okunyiiza Pulezidenti n’okukozesa obubi emikutu gy’empuliziganya omuli n’olulimi olwesitaza.

Kamasanyu yasingisizza Nyanzi omusango ogw’okukozesa obubi emikutu gy’empulizganya n’agamba nti byeyawandikikako byali byesitaza  n’okuvoola n’amusiba emyezi 18 . Kyokka  ogw’okunyiiza Pulezidenti Museveni n’agumuggyako.

Kyokka ensala y’omusango teyasanyudde bantu bamu ne batandika okukola effujjo n’okwoenoona ebintu. Ye Nyanzi kigambibwa yabadde agezaako okweyambula. Wabula Ssabalamuzi mu kiwandiiko ekyafulumiziddwa yagambye nti ebikolwa ebyo byabadde bya kiyaaye , ebitaliimu  bugunjufu era ebityoboola ekitiibwa kya kkooti.

Katureebe yagambye nti ebikolwa ebyo tebirina kifo mu nsi ngunjufu kyokka n’asiima omulamuzi ono eyabadde mu kkooti ya Buganda Road olw’obutava mu mbeera n’asigala nga mukkakkamu.Kyokka yagambye nti abaakikoze bajja kukangavvulwa n’agumya nti ekitongole ekiramuzi kigenda kukolagana ne gavumenti okulaba nga kyongera okunyweza ebyokwerinda mu kkooti.

Omuwandiisi wa kkooti omukulu Esther Nambayo n’omuwadiisi w’enkalakalira mu minisitule y’ebyamatteeka Pius Bigirimana nabo baavumiridde ebikolwa bino. Baagambye nti abataamatidde na nsala ya mulamuzi bandyeyongeddeyo mu kkooti eza waggulu mu kifo ky’okukola effujjo.

Baawabudde nti abalamuzi tebaba na ludda wabula bawuliriza enjoyi zombie ez’abakayana ne basala omusango.

More From The Author

Emboozi z’omuwandiisi endala

Emboozi endala

Luke 220x290

Mmotoka y’abagole egudde mu mugga...

MMOTOKA ebaddemu abagole n’abooluganda lwabwe 7 egudde mu mugga abantu bataano okuli n’abagole ne bafiiramu

Employed 220x290

Akwana abawala n'ababba poliisi...

POLIISI ekutte omusajja agenda mu bbaala n’ebifo ebirala ebisanyukirwamu n’akwana abawala n’ababbako ebintu byabwe....

Sit51 220x290

UCU ne KIU balwana kuva mu kibinja...

UCU ne KIU balwana kuva mu kibinja kya University League

Kubayo 220x290

‘Bobi teyeewandiisanga kuvuganya...

WADDE ng’akakiiko k’ebyokulonda ke kakkiriza omubaka wa Kyadondo East, Robert Kyagulanyi (Bobi Wine) okwebuuza...

Un 220x290

Abooluganda lwa Nabukenya owa Poeple...

OMUBAKA wa Kyaddondo East, Robert Kyagulanyi Ssentamu amanyiddwa nga Bobi Wine, asinzidde mu kuziika, Ritah Nabukenya...