TOP
  • Home
  • Amawulire
  • Agambibwa okubba essimu bamukubye mizibu! Poliisi y'emutaasizza

Agambibwa okubba essimu bamukubye mizibu! Poliisi y'emutaasizza

By Eria Luyimbazi

Added 7th August 2019

ABAKUUMI abakolera ku kizimbe kya Park View mu Kampala bayitiddwa bukubirire okutaasa omuvubuka agambibwa okwekobaana ne banne ne babba ebintu mu dduuka gye baagenze nga beefudde abaguzi.

View36772 703x422

Omukuumi ku kizimbe kya Park View ng'atwala Kamugisha ku poliisi ya Mini Price oluvannyuma lw'okumutaasa okuva ku bantu abaabadde bamugajambula

Bino byabaddewo ku Lwokusatu abavubuka basatu bwe baagenze ku dduuka ly’omusuubuzi Charles Luzige akolera ku kizimbe kya Park View nga beefudde abaguzi kyokka ne babba amasimu 2 ne babulawo nago oluvannyuma lw’okubuzaabuza omukozi mu dduuka lino.

Luzige yagambye abavubuka bano baasanze omukozi mu duuka nebamubuzabuza nti bagala kugula bukuufu bw’omubulago wabula abairi ku bbo nebabba simu bbiri mu kawunta ne babulawo nazo kwekukwata munnaabwe  Samuel Kamugisha gwe baabadde naye abantu ne batandika okumugajambula.

Yagambye nti olwakutte Kamugisha abantu ne bamuyiikira ne batandika okumukuba wabula abakuumi ku kizimbe kino ne banguwa okumutaasa n'atwalibwwa ku poliisi ya Mini Price  n'aggulibwako omusango gw’obubbi oguli ku fayiro nnamba SD 18/07/08/2019 n'aggalirwa.

Wabula Kamugisha yeegaanyi eby’okubeera omubbi n'agamba nti ye yavudde e Kasese okujja mu Kampala okugula engatto n’obukuufu bw’omu bulago wabula n'alemwa okunnyonnyola ebikwata ku banne be yabadde nabo abaatutte essimu bbiri.

Luke Owesigire, amyuka omwogezi wa poliisi mu Kampala n’emirirwano yagambye nti okunoonyereza kwatandise dda okuzuula oba Kamugisha alina be yabadde nabo bwe baagenze ku dduuka lya Luzige n’okuzuula oba waliwo simu ze babbye .

 

More From The Author

Emboozi z’omuwandiisi endala

Emboozi endala

Kip2 220x290

Leero mu mboozi y'omukenkufu tukulaze...

Leero mu mboozi y'omukenkufu tukulaze engeri gy'oyinza okufuna mu kulima Levander

Pap2 220x290

Aba P7 babalaze ebinaabayamba okuwangula...

Aba P7 babalaze ebinaabayamba okuwangula

Top2 220x290

Abafera abantu okubatwala ku kyeyo...

Abafera abantu okubatwala ku kyeyo bakwate

Tip2 220x290

Omukozi w’awaka abuzeewo ne bbebi...

Omukozi w’awaka abuzeewo ne bbebi wa muliraanwa

Lab2 220x290

‘Ppaaka Enkadde efuuse kiraalo...

‘Ppaaka Enkadde efuuse kiraalo kya nte