TOP
  • Home
  • Amawulire
  • Kasirye Gwanga alidde matereke n'abasaawa ebibira e Mityana

Kasirye Gwanga alidde matereke n'abasaawa ebibira e Mityana

By Joseph Mutebi

Added 12th August 2019

Kasirye Gwanga alidde matereke n'abasaawa ebibira e Mityana

Kas1 703x422

Kasirye Ggwanga ng'annyonnyola

MUNNAMAGYE Maj Gen Kasirye Ggwanga  atabukidde abasalamala  beyasanze battise embaawo ku loole ng’ebooze emmotoka nagikuba amasasi.

“ Nze nga  Munnamagye omutendeke, eyasoma era amanyi obulungi obuli mu kulwanirira eddembe ly’ebibira n’omugaso gwabyo era taata wa Bannamityana ne Mubende  abatulugunyizibwa abagwiIra abatazaalibwa mu bitundu bino siyinza kukkiriza  jjoogo lino kugenda mu maaso nga ndaba” bwatyo Kasirye ggwanga bweyategeezezza Bukedde ku ssimu.

Yayongeddeko nti abo abazannya bakimanye nti ebitundu by’eggwanga ebisinga mu kiseera kino enzizzi zakalira lwa kutema bibira kati amazzi abaana n’abakyala bagakima ku nnyanja ekintu ekikalubiriza obulamu bwabwe.

“Ndayira mu mazima ga Katonda mu ggulu siyinza kukkiriza Bakiga kuva Kabaale ne bajja okusanyawo ebibira byaffe  e Mityana nga nsobola  okubirwanirira ne ntunnula kubanga balina okukimanyi nti eno Buganda tebalina kugifula kizannyiro” Bwatyo Kasirye Ggwanga bweyakkatirizza.

Yayongeddeko nti njagala okubakakasa nti ayagala okumpawaabira ng’alowooza waliwo omusango gwe nakoze agende mu kkooti olwokuba Kasirye Ggwanga alwanirira ebibira obutabisanyawo. Kubanga lino bwe litaba jjoogo lye nnyini  kuba kumaanyira kuba oyinza otya okugamba nti wapangisa ku ttaka lya Buganda eritunda nga kkeeke eyokya.

Ku 35,000/- buli yiika, gwe n’otandika okusanyawo ebibira byaffe emiti gy’osanzemu egimaze emyaka egisukka mu 50, n’osaala embawo n’omala n’osimbamu kalitunsi ate naye bwatuuka okumusaala n’oleeta Bakiga bano okuva e Kabaale abaana baffe ab’e Mityana n’obama emirimu.

Kasiye ggwanga yagambye nti ekisinga okumuluma abasajja bano baabajooga ne basala ebibira byabwe ate ne bamala ne bayonoona n’amakubo mwe bayisa emmotoka z’embawo nga abaana enzaalwa tebalina kye bafunyemu olwo bo ne baddayo ewaabwe ne bazimba abayumba agatemagana n’okugula emmotoka azitemya ng'omuntu.

  “Okumanya abasajja bano bamanyira bwe bamala okusawa ebibira byaffe abaana b’omu kitundu ne besimbira ku kasooli ne bijanjalo bwe batabisaawa babirya ku mpaka. Ng’olwo ani ayinza okukkiriza efuga bbi lino” bwatyo Maj Gen Ggwanga bweyategeezezza.

Maj Gen Kasirye Ggwanga yagambye nti ayagala okumanya nga bwenfaanana agende ku kyalo “Nkene” gye nkubye enkambi e Mityana wasinzira okukola ekikwekweto “Mukomye ejjoogo” okusobola okutaasa abonoona ebibira byaffe  bakiveeko baddeyo ewaabwe. Eno gye tugya okwogereera  olulimi buli omu lwasinga okutegera.

More From The Author

Emboozi z’omuwandiisi endala

Emboozi endala

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...

Owoyesigire 220x290

Ababbi balumbye Klezia ya Yowana...

ABABBI basatu balumbye ekifo awaterekebwa ebirabo ku Klezia ya Yowana Maria Mzee ku Lubaga Road n’amajambiya nga...

Abtexbajjohoima 220x290

Ttiyaggaasi n’amasasi binyoose...

Abbey Musinguzi owa Abtex promotions ne Andrew Mukasa owa Bajjo Events enjiri y’okununula abasibe abali ku misango...

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda