TOP

Museveni alabudde abayizi ku kwegadanga

By Musasi wa Bukedde

Added 14th August 2019

PULEZIDENTI Yoweri Museveni alabudde abayizi okwesonyiwa eby'okwegadanga, kibasobozese okutuukiriza ebirooto byabwe.

Yamba 703x422

Museveni n'abamu ku bayizi abagenda okwetaba mu mizannyo gya siniya e Tanzania.

BYA JOHNSON WERE

Yabadde mu maka g'Obwapulezidenti e Ntebe eggulo ng'asiibula abayizi 800 abagenda okwetaba mu mizannyo egy'enjawulo egya siniya z'omu buvanjuba bwa Afrika egigenda okukwajjira mu kibuga Arusha mu Tanzania.

"Bwe muba mwagala okugenda ewala n'ebirooto byammwe ssaako okukulaakulanya ttalanta ez'enjawulo, mulina okwesonyiwa eby'okwegadanga okutuusa nga mukuze," Museveni, bwe yabakalaatidde.

Yabakubirizza okunyiikirira okutendekebwa n'okukola dduyiro ng'agamba nti ebyo bye bisinga okuyamba bannabyamizannyo okuwangula.

Ye minisita w'Ebyenjigiriza, Janet Museveni, yeebazizza abantu ab'enjawulo abakoze omulimu gw'okutendeka abayizi bano n'abaagaliza obuwanguzi mu buli kika kya mizannyo kye bagenda okwetabamu.

Yabasabye bulijjo obuteerabiranga Katonda mu buli kye bakola. Patrick Okanya, ssentebe w'ekibiina ekigatta amasomero ga siniya mu Uganda (USSSA)ye yakulembeddemu abayizi bano abagenda okukiikirira eggwanga mu mizannyo gya siniya egy'Obuvanjuba.

Abalala abaabaddewo kuliko, minissita w'Emizannyo, Charles Bakkabulindi, Dr. Bernard Patrick Ogwel, ssaabawandiisi w'akakiiko akavunaanyizibwa ku mizannyo aka National Council of Sports (NCS), David Katende, omumyuka we, Owen Kibenge, amyuka omuwandiisi ow'enkalakkalira mu minisitule y'Ebyenjigiriza n'Emizannyo, Justus Mugisha, amyuka ssentebe wa USSSA era nga ye nnannyini Standard High School, n'abalala.

Amasomero agagenze kuliko; Kitende, Buddo SS, Jinja SS, Ntare School, St. Mary's College Kisubi, Bweranyangi Girls, Kakungulu Memorial, Mount St. Mary's Namagunga, Kibuli n'amalala.

More From The Author

Emboozi z’omuwandiisi endala

Emboozi endala

Ttt 220x290

Abasajja banyumirwa ng’abakazi...

BANNASSAAYANSI bazudde nti akaboozi kasinga kunyuma ng’omukazi y’akeesabidde. Era nti akaboozi abaagalana ke bayingiddemu...

Sss 220x290

Obutazaala businga kukosa musajja...

ABASAWO bazudde nti abafumbo bwe baba bagumba, kisinga kukosa musajja okusinga bwe kiruma omukazi.

Funanga 220x290

Abooluganda lwa Nabukenya balumirizza...

RITAH Nabukenya 28, omuwagizi w’ekisinde kya People Power olwatuusizza abaana be ku ssomero n’abuukira bboodabooda...

Ron1 220x290

Leero mazaalibwa ga Alex Komakech...

Leero mazaalibwa ga Alex Komakech owa Wakiso Giants

Wanga 220x290

Eddy Kenzo addizza Aziz Azion omuliro:...

OMUYIMBI Eddy Kenzo addizza Aziz Azion omuliro olw’okumulangira nga bwe yamuyamba n’atamusiima n’agamba nti Aziz...