TOP

Omukazi yadduka n’olubuto

By Musasi wa Bukedde

Added 14th August 2019

Omukazi yadduka n’olubuto

Jip2 703x422

Isabirye

NZE Siraje Isabirye, mbeera Bweyogerere Kakajjo era ndi musuubuzi wa birime mu katale e Nakawa.

Nafuna omukyala omusawo okuva e Busia ne mmuwasa era ne twesuubiza okwekulaakulanya n’okubeera ffembi ebbanga lyonna wadde nga twali tetukoze mikolo mitongole gyonna.

Omukyala nnamala naye omwaka gumu n’afuna olubuto era lwali lwakaweza emyezi musanvu n’atabuka n’atandika okunnyombesanga buli bwe naddanga awaka. Lumu nagenda mu katale okukola kyokka kyambuukako bwe naddayo olweggulo ng’ennyumba yonna nkalu.

Baliraanwa ne bahhamba nti yaleeta emmotoka n’asiba ebintu. Okuva olwo siddangamu kumulabako kuba simanyi gye yaddukira. Yankubirako omulundi gumu ng’asaba obuyambi era n’antegeeza nti yazaala mwanamulenzi.

Nnamuweereza emitwalo etaano ku ssimu gye yankubirako kyokka bwe nnaddamu okugikubako nga teriiko n’okutuusa kati. Ekisinga okunnuma nti tewaaliwo nsonga ya maanyi wabula yatabuka lumu n’atandika okugamba nti simwagala kyokka nga buli kimu kyali kitambula bulungi. Nasooka ne ndowooza nti lubuto lwe lumutawaanya era nga mmanyi nti anaatereera ng’amaze okuzaala.

Ekisinga okunnuma kwe kuba nti omwana wange simulabangako kyokka omutima gunnuma. Waliwo oluusi lwe ndowooza okufuna omukazi omulala kyokka olulala ne hhamba oba nnindeko nga nsuubira nti anaakomawo. Kye ntya kwe kufuna omukazi omulala ate oli n’akomawo.

More From The Author

Emboozi z’omuwandiisi endala

Emboozi endala

Det2 220x290

Famire ekyasattira olwa ssemaka...

Famire ekyasattira olwa ssemaka okubula

Lip2 220x290

Bakutte abadde alimba abantu okubatwala...

Bakutte abadde alimba abantu okubatwala ku kyeyo

Sab 220x290

adde abba ATM ku bantu akwatiddwa...

adde abba ATM ku bantu akwatiddwa

Fut2 220x290

Akulira kkampuni etwala abantu...

Akulira kkampuni etwala abantu ku kyeyo akwatiddwa lwa kufera

Set1 220x290

Omuyambi wa Museveni bamuloopye...

Omuyambi wa Museveni bamuloopye