TOP

Obubenje bwatuze 32 mu wiikendi

By Samuel Balagadde

Added 20th August 2019

OMUWENDO gw’abantu abaafi­iridde mu bubenje obwaguddewo ku Ssande gulinnye nga baweze 32.

Fire1 703x422

Abajaasi nga bawenja emirambo mu mafunfugu e Rubiriizi.

Bya SAMUEL BALAGADDE NE ALI WASSWA

OMUWENDO gw’abantu abaafi­iridde mu bubenje obwaguddewo ku Ssande gulinnye nga baweze 32.

We bwazibidde eggulo ku Lwokubiri ng’abantu 22 be baakakasibwa nti baatokomokedde mu muliro ogwakutte lukulu­lana y’amafuta eyabadde egenda e Congo kyokka n’eremererwa omugoba waayo ng’etuuse ku kyalo Kyambula ekisangibwa e Rubiriizi.

Yawanuse waggulu ku kasozi n’esaabala mmotoka za buy­onjo ezimu nga zirimu abayizi b’amasomero abaabadde bagenda okulambula ekkuumiro ly’ebisolo erya Queen Elizabeth.

Omuliro gwakutte ne gwokya abaabadde mu mmotoka nnya, amaduuka n’ebizimbe ebiriraany­eewo.

Abamu baasirisse nga tebakyaso­bola kutegeerekeka ate ne gusaa­nyaawo n’emmotoka y’amafuta yonna.

Akulira poliisi y’ebidduka mu ggwanga, Dr. Steven Kasiima ya­gambye nti kyabadde kibi nnyo ku kabenje kano kubanga kaaguddewo mu kiseera nga tewali ayamba.

Kyokka yategeezezza nti dereeva teyakoze kimala kutaasa bantu baabadde ku luguudo olwo.

“Yabadde asobola okuwugula lo­ole eyo wadde ng’egaanye okusiba n’agitunuza mu kifo ekirala awatali mayumba wadde abantu abangi naye teyakikoze.” Kasiima bwe yagambye.

Yagambye nti ku kabenje ka bbaasi ya YY, mwafiiriddemu abantu 10 ekyalaze nti mu Uganda tukyalina okusomoozesa kunene ku bubenje obugwa ku nguudo.

Bbaasi ya YY yabadde eva Kam­pala ng’egenda Mbale ku Ssande n’etomera takisi. Dereeva wa takisi nnamba UAV 689E eyabadde agezaako okuyisa mmotoka endala nga teyategeerekese.

 

 

More From The Author

Emboozi z’omuwandiisi endala

Emboozi endala

Abr1 220x290

Empaka za ASFAs bazongeddemu ebirungo...

Basereebu beesunga kuwangula ngule mu mpaka z'emisono eza Abryanz Style and Fashion Awards (ASFAs)

Siba 220x290

Leero mu mboozi z'omukenkufu, tukulaze...

EMMWAANYI kyabugagga era bajjajjaffe baazitunda ne bakolamu ebintu eby’enjawulo omwali okusomesa abaana, okugulanga...

Kusasiraserenandijjo32 220x290

Ekyabade mu kivvulu kya Kusaasira...

Ekyabade mu kivvulu kya Kusaasira ku Serena: Museveni ayanukudde Mayinja ku by'oluyimba lwa 'Ebintu bizzeemu'

Cf67bb0a32be4b27bedf0076e8e46208 220x290

Bazannye ffirimu ku ngeri abavubuka...

Ekitongole kya Reach a hand nga kiri wamu n'Omunigeria kafulu mu kuzannya ffirimu Emmanuel Ikubese basabuukuludde...

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.