TOP

Kabaka asibiridde Abaganda entanda

By Dickson Kulumba

Added 20th August 2019

SSAABASAJJA Kabaka Ronald Mutebi agguddewo Olukiiko olw’omulundi ogwa 27, n’akubiriza Obuganda okussa mu nkola enkola y’obwegassi n’okulima emmwaanyi bye yalagira ku Matikkira ge og’omulundi ogwa 26 agaali ku yunivaasite y’e Nkumba.

Kabaka1 703x422

Kabaka ng’ali n;omumyuka wa Pulezidenti Edward Ssekandi ku madaala ga Bulange. Ku kkono ye Katikkiro Mayiga ne Nnabagereka Nagginda (ku ddyo).

Bya DICKSON KULUMBA
 
SSAABASAJJA Kabaka Ronald Mutebi agguddewo Olukiiko olw’omulundi ogwa 27, n’akubiriza Obuganda okussa mu nkola enkola y’obwegassi n’okulima emmwaanyi bye yalagira ku Matikkira ge og’omulundi ogwa 26 agaali ku yunivaasite y’e Nkumba.
 
Yayogedde ku nsonga nnya okuli okwebaza abateekateeka emikolo gy’Amatikkira egy’omwaka guno, gye yasiimye nti gyamusanyusa nnyo, ensonga ey’okubiri kwabadde kwebaza bakulu ba bika ku butaka gye yalambula olw’enteekateeka ennungi.
 
Ensonga eyokusatu, okuggumiza ekyokulwanyisa obwavu mu Buganda nga tuyita mu kulima emmwaanyi n’ebirime ebirala eby’ettunzi era abantu batandikewo ebibiina by’obwegassi.
 
Ensonga ey’okuna yabadde ya kwebaza abantu abateeka ekifaananyi kya Ssekabaka Muteesa II mu nnyumba gye yasulangamu mu kibuga London n’akubiriza abo bonna abafuna omukisa okugendako e London bayitengako mu kifo kino balambule ku nnyumba eno balabe Ssekabaka Muteesa embeera gye yayitamu.
 
Omukolo gwajjumbiddwa era mu bimu ku byakoleddwa, kweyanza bwami. Mu bamu ku beeyanzizza obwami muli David Kyewalabye Male ng’ono minisita w’ebyobuwangwa, ennono, embiri n’olulimi Oluganda.
 
Omulala eyeeyanzizza ye Christopher Bwanika ng’ono ye Ssaabawolereza wa Buganda era minisita wa gavumenti ez’ebitundu ne Abas Nsubuga ng’ono ye mubaka wa Kabaka United Arab Emirates nga bonna beeyamye okubeera abawulire.
 
Katikkiro Charles Peter Mayiga yakulisizza Kabaka okutuuka ku myaka 26 ng’alamula Obuganda era mu bbanga lino awadde abavubuka essuubi nga y’ensonga lwaki ensangi zino bajjumbidde nnyo emirimu gy’Obwakabaka.
 
Yayogedde ku kya Kabaka okukendeeza ku bungi bwa baminisita be n’agamba nti oluvannyuma lwa kino okukolebwa. Mu kiseera ekitali kye wala, ebibala bijja kutandika okulabika.
 
Yategeezezza nti mu kiseera ekiyise, Buganda efiiriddwa abantu bangi abakulu okuli; Haji Kaddu Sserunkuuma eyali Sipiika, Kaaya Kavuma, David Ssekyeru (Kayima), ne Abusolomu Bwanika Bbaale eyaliko mmembe w’Olukiiko n’abalala.

More From The Author

Emboozi z’omuwandiisi endala

Emboozi endala

Abr1 220x290

Empaka za ASFAs bazongeddemu ebirungo...

Basereebu beesunga kuwangula ngule mu mpaka z'emisono eza Abryanz Style and Fashion Awards (ASFAs)

Siba 220x290

Leero mu mboozi z'omukenkufu, tukulaze...

EMMWAANYI kyabugagga era bajjajjaffe baazitunda ne bakolamu ebintu eby’enjawulo omwali okusomesa abaana, okugulanga...

Kusasiraserenandijjo32 220x290

Ekyabade mu kivvulu kya Kusaasira...

Ekyabade mu kivvulu kya Kusaasira ku Serena: Museveni ayanukudde Mayinja ku by'oluyimba lwa 'Ebintu bizzeemu'

Cf67bb0a32be4b27bedf0076e8e46208 220x290

Bazannye ffirimu ku ngeri abavubuka...

Ekitongole kya Reach a hand nga kiri wamu n'Omunigeria kafulu mu kuzannya ffirimu Emmanuel Ikubese basabuukuludde...

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.