TOP

Buchanan asimbiddwa mu Kkooti y'amagye

By Musasi wa Bukedde

Added 21st August 2019

Omusubuuzi wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi ga UPDF.

Bya MARGRET  ZALWANGO

Omusubuuzi  wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi ga UPDF.

Buchanan 49, omutuuze w’e Buziga mu munisipaali y’e Makindye yasimbiddwa mu kkooti ekubirizibwa Lt. Gen. Andrew Gutti n'asomerwa  emisango ebiri egy’okusangibwa n’ebyokulwanyisa mu bukyamu.

Oludda oluwaabi olwakiikiriddwa Maj. Samuel Masereje yategeezezza kkooti nti okunoonyereza kunateera okuggwa. Yasabye okuweebwa obudde okutuusa nga September 3, 2019.

Kigambibwa nti nga August 16, 2019 e Buziga mu Makindye, Buchanan yasangibwa n’emmundu n'amasasi agakola obulungi 18 agakuba mu mirimmita 9, byonna nga bya UPDF.

Wabula Buchanan eyabadde omuwooteefu yategeezezza kkooti nga bwe yakwatibwa ku misango mirala ng'ate mu kkooti bamuvunaanye mirala. Looya we Frank Kanduho yasabye asooke ayogerako naye.

Ono baamusomedde emisango kyokka ne yeerema okuddamu oba akkiriza, olwo kkooti n’esalawo okuwandiika nti yegaanye byonna ebimuvunaaniddwa.

Buchanan yasabye kkooti asibibwe e Luzira wabula Gutti n'asalawo okumusindika e Kigo okutuusa nga Sepetember 3, lwanakomezebwawo mu kkooti.

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam