TOP
  • Home
  • Amawulire
  • Bakutte abadde alimba abantu okubatwala ku kyeyo

Bakutte abadde alimba abantu okubatwala ku kyeyo

By Musasi wa Bukedde

Added 23rd August 2019

Bakutte abadde alimba abantu okubatwala ku kyeyo

Lip2 703x422

ABAKULEMBEZE b’omu kabuga k’e Kabembe mu ggombolola y’e Kyampisi e Mukono nga bayambibwako poliisi bakutte omusajja abadde akuumira abavubuka musanvu nga kuliko n’abawala babiri mukazi go n’ekigendererwa ekitannaba kutegeerekeka.

William Nsubuga 35, omutuuze w’e Bombo mu Disitulikiti y’e Luweero yasangiddwa n’abavubuka bano be yaggya mu bitundu eby’enjawulo ng’abalimbye okubatwala e Dubai okubafunira emirimu.

Abavubuka abaasangiddwa mu kazigo kuliko Joseph Bikorwomuhangi yava Mazinga - Sembabule, Florence Nadamba ow’e Busuubizi - Mityana, Slyvia Nansamba w’e Buyaga - Masaka, Justine Mugumya okuva e Kasagama - Lyantonde, Baleke Ssentongo w’e Nsubiro – Sembabule, Richard Kasagga ow’e Kayirikiti - Masaka ne Godfey Zziwa ow’e Kidda - Masaka.

Zziwa, omu ku bavubuka abaanunuddwa, yategeezezza nti Nsubuga yabasanga e Masaka n’abategeeza nga bw’alina emirimu mu Kampala mu kkampuni emu nga buli mwezi baakufuna emitwalo 45 ng’omusaala ssaako emitwalo 5 ez’ensako.

Yabagamba nti bwe banaakuguka obulungi mu mirimu ajja kubatwala e Dubai ku kyeyo. Yayongeddeko nti olwabatuusa mu Kampala, yabateeka ku mmotoka eyagatwala e Namawojjolo n’abawa engoye ez’okutunda ng’abagamba nti bali ku yintaviyu.

Kyokka waayita ennaku ntono n’abaleeta e Kabembe n’abalagira okusigala nga batunda engoye nga bw’akola ku nsonga z’okubatwala ebweru. NSUBUGA ABYEGAANYI Bino byonna Nsubuga yabyegaanyi n’ategeeza nti ye yabaggya mu kyalo ng’abagambye nti bagenda kutunda ngoye.

“Eky’okubatwala ebweru sikimanyi era simanyi gye babiggya.” Ssentebe w’ekyalo kwe baasangiddwa, David Kitamirike yategeezezza nti Nsubuga tebamumanyi era kye baavudde bamukwata

More From The Author

Emboozi z’omuwandiisi endala

Emboozi endala

Abr1 220x290

Empaka za ASFAs bazongeddemu ebirungo...

Basereebu beesunga kuwangula ngule mu mpaka z'emisono eza Abryanz Style and Fashion Awards (ASFAs)

Siba 220x290

Leero mu mboozi z'omukenkufu, tukulaze...

EMMWAANYI kyabugagga era bajjajjaffe baazitunda ne bakolamu ebintu eby’enjawulo omwali okusomesa abaana, okugulanga...

Kusasiraserenandijjo32 220x290

Ekyabade mu kivvulu kya Kusaasira...

Ekyabade mu kivvulu kya Kusaasira ku Serena: Museveni ayanukudde Mayinja ku by'oluyimba lwa 'Ebintu bizzeemu'

Cf67bb0a32be4b27bedf0076e8e46208 220x290

Bazannye ffirimu ku ngeri abavubuka...

Ekitongole kya Reach a hand nga kiri wamu n'Omunigeria kafulu mu kuzannya ffirimu Emmanuel Ikubese basabuukuludde...

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.