TOP

Abawala 98 banunuddwa ku babadde babakukusa

By Musasi wa Bukedde

Added 24th August 2019

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.

Magaya 703x422

Magaya Mango

Bya MARGRET ZALWANGO
 
ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.
 
Abawala bano nga baggyibwa mu bitundu by’eggwanga eby’enjawulo baasangiddwa ku kitebe kya kkampuni eya Khaleej Agencies e Namasuba mu muluka gw’e Kabowa. Kigambibwa nti baabadde baatwalibwa mu bukyamu.
 
Poliisi ng’ekulembeddwaamu akakiiko ka State House Anti Corruption Unit baazinzeeko ekifo kino oluvannyuma lw’okufuna amawulire nti waliwo abawala abagenda okutwalibwa kyokka nga bayita mu makubo makyamu.
 
Ofiisi ya Lt Col Edith Nakalema akulira okulwanyisa enguzi be baafunye essimu nga babagamba nti abawala bano bagenda kufulumizibwa eggwanga olwo ne basitukiramu.
Abawala bano baasangiddwa ng’abamu bamaze okutegeka ebintu byabwe nga balinze kusitula.
 
Baategeezezza nti bagenda kukola bwayaaya mu nsi ez’enjawulo mu Buwalabu gye batwalibwa.
 
Mu nnyumba ya mizigo ebiri gye baabadde basuzibwa ku bufaliso obutono ddala. Kino abakulu kwe baasinzidde okunzingako kkampuni eno.
 
Mango Magaya akulira kkampuni eno yategeezezza nti kkampuni yaabwe erina olukusa okutwala abantu ebweru okukola era nga beewuunya lwaki abakulu bazze ne bazingako kkampuni yaabwe.
 
Ono era yagambye nti abawala babadde basula bulungi ate nga balya bulungi .Yayongeddeko nti bano batwalibwa ku bwereere nga tebagiddwaako ssente wabula n’ategeeza nti engeri bo aba kkampuni gye bafunamu ku bantu be batwalira obwereere tayinza kugyogera.
 
Ku myaka kkampuni eno gyemaze ng’etwala abantu ebweru, baakatwala abawala abasoba mu 1000 era bonna bali bulungi.
 
Omwogezi wa poliisi mu Kampala n’emiraraano, Patrick Onyango yagambye nti wadde kkampuni eno erina layisinsi, abagikulira baakutwalibwa ku poliisi bakole sitetimenti n’abawala abaasangiddwa ku kkampuni eno.
 
Abawala bonna bateekeddwa mu bbaasi za poliisi ne batwalibwa ku kitebe kya bambega e Kibuli gye baasuze ng’okunonyereza bwe kugenda mu maaso.
Lt Col Nakalema yaggulawo ekikwekweto okuzingiza kkampuni ez’epicupuli ezitwala abantu ebweru n’okubabbako ssente.

More From The Author

Emboozi z’omuwandiisi endala

Emboozi endala

Un 220x290

Abooluganda lwa Nabukenya owa Poeple...

OMUBAKA wa Kyaddondo East, Robert Kyagulanyi Ssentamu amanyiddwa nga Bobi Wine, asinzidde mu kuziika, Ritah Nabukenya...

Time 220x290

Ebipya bizuuse ku nfa ya Nabukenya...

ABAALABYE akabenje akaavuddeko okufa kw’omuwala wa People Power, Ritah Nabukenya bye boogera bikontanye ne lipooti...

Tembeya 220x290

Walukagga atadde akaka mu luyimba...

Nga yaakamala okugaanibwa okuyimba ku mukolo ogumu e Mpigi gyebuvuddeko, omuyimbi Mathias Walukagga embeera agiyimbyemu...

Tin1 220x290

Pressure esse abafamire babiri...

Pressure esse abafamire babiri omulundi gumu

Harvest 220x290

Amagye lwe gassa ku Mubarak akazito...

Amagye lwe gassa ku Mubarak akazito n'alekulira