TOP

Abazigu balumbye amaka e Munyonyo ne babba

By SHAMIM NABUNNYA

Added 24th August 2019

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka mu kitaba ky’omusaayi ne bakuuliita n’ebintu bye babbye.

Bazigu1 703x422

Bya SHAMIM NABUNYA
ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka mu kitaba ky’omusaayi ne bakuuliita n’ebintu bye babbye.
 
Abatuuze babataayizza omu ne bamukwata ne bodaboda gye babadde bakozesa mu bubbi.
 
Obulumbaganyi buno bwabaddewo mu kiro ekyakeesezza Olwokuna e Munyonyo mu
Munisipaali y’e Makindye abatemu bwe baalumbye amaka g’omutuuze e Munyonyo ne batemaatema omukozi we Isa Birimusho.
 
Wakati mu kumutulugunya yalaajanye nnyo bakama be nabo ne bakuba enduulu abatuuze ne babadduukirira era ne bataayiza abatemu ne basobola okukwatako
omu ate abalala ne badduka.
 
Eyakwatiddwa yategeerekese nga John Kasozi nga muvuzi wa bodaboda ku siteegi e Kibuye okumpi n’akatale k’e Kibuye era yasangiddwa n’ebyuma ebikozesebwa okumenya enzigi n’ejjambiya gye baakozesezza okutema Birimusho ne bodaboda
gye yabadde avuga Bajaj Boxer nnamba UAM 412G.
 
Nnannyini maka gano Zulayika Nassali ng’ono musuubuzi wa mu Kampala yategeezezza nti zaabadde essaawa 7:00 ez’ekiro ekikeesezza Olwokuna n’awulira omukozi we Birimusho ng’alaajana naye kwe kukuba enduulu eyasombodde abatuuze ne bataayiza abazigu bano ne bakwatako omu eyabadde ku bodaboda.
 
Abatuuze baabadde batandise okukuba Kasozi emiggo poliisi y’e Salaama we yatuukidde n’ekuba amasasi mu bbanga okubagumbulula nga bano baabadde bataamye nga baagala okumiza Kasozi omukka omusu kyokka n’atwalibwa ku poliisi
y’e Salaama ne bodaboda gye baggyiddeko okubba.
 
MURIRAANWA NAYE BAMUBBYE
Francis Kawuma nga ye muliraanwa wa Nassali yategeezezza nti, ku Lwokusatu
naye ababbi baamulumba ne bamuyingirira nga tawulira ne batwala ssente n’essimu.
 
Agamba nti ne ku mulundi, guno yabadde mu tulo n’awulira enduulu n’akubira ssentebe w’ekitundu kino eyayaguye ne batuuka mangu ne balemesa abazigu bano
okutta abatuuze.
 
Ssentebe w’ekitundu kya Munyonyo, Yasin Ssemakula yategeezezza nti ekitundu kye kibadde kirungi naye kati abazigu abasitudde enkundi babasuza emitima gibeewanise olw’okutya abantu kwe balimu nga balowooza nti, ababbi bagenda kubayingirira
essaawa yonna.
 
Ssemakula yayongeddeko n’ategeeza nti ebikomera bingi e Munyonyo kyokka abantu
abamu tebaagala kubiteekako mataala nga kino kiyamba ababbi okutambula nga bagumu kubanga babeera mu kizikiza ate n’abeebikomera batono ddala abayinza okufuluma nga bawulidde enduulu wadde abaserikale baabwe okuvaayo okugoba ababbi bano.

More From The Author

Emboozi z’omuwandiisi endala

Emboozi endala

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...

Owoyesigire 220x290

Ababbi balumbye Klezia ya Yowana...

ABABBI basatu balumbye ekifo awaterekebwa ebirabo ku Klezia ya Yowana Maria Mzee ku Lubaga Road n’amajambiya nga...

Abtexbajjohoima 220x290

Ttiyaggaasi n’amasasi binyoose...

Abbey Musinguzi owa Abtex promotions ne Andrew Mukasa owa Bajjo Events enjiri y’okununula abasibe abali ku misango...

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda