TOP
  • Home
  • Amawulire
  • Katikkiro alaze engeri ebbula ly’amazzi gye livaako endwadde n’obwavu

Katikkiro alaze engeri ebbula ly’amazzi gye livaako endwadde n’obwavu

By Dickson Kulumba

Added 24th August 2019

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba nti abakulembeze ku mitendera gyonna basaanye okussa essira ku kumalawo ebbula lyago okwewala okusaasaanya obwavu n’endwadde.

Mayiga 703x422

Jordan akulira emirimu mu Wells of Life ng’akwasa Katikkiro Mayiga ekitabo ekirimu ebintu bye baakakola mu Buganda.

Bya DICKSON KULUMBA
 
KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba nti abakulembeze ku mitendera gyonna basaanye okussa essira ku kumalawo ebbula lyago okwewala okusaasaanya obwavu n’endwadde.
 
Bino yabyogeredde Bulange- Mmengo ku Lwokuna bwe yabadde asisinkanye
ab’ekitongole ekiyitibwa Wells Of Life nga bano batta omukago n’Obwakabaka
bwa Buganda okubunyisa amazzi mu Buganda era bazze okwongera okwogerezeganya ne Katikkiro ku ngeri emirimu bwe gitambula.
 
“ Ekimu ku bizibu ebivaako obwavu lye bbula ly’amazzi kubanga atalina mazzi tasobola
kuba muyonjo era atali muyonjo aba mulwadde ate omulwadde tasobola kukola ate bw’otakola oyavuwala,” Mayiga bwe yagambye.
 
Katikkiro Mayiga yagambye nti bannamukago bano bagenda kusima enzizi za
nnayikondo mu masaza ga Buganda era n’akubira abantu okuzikuuma n’okuzirabirira obutiribiri zisobole okutuukiriza omulamwa gw’okugoba ebbula ly’amazzi mu bitundu ebyo. “ Bagenda kusima nnanyikondo era batandikidde mu masaza okuli Ssingo ne
Buweekula.
 
E Mityana mu Ssingo bagenda kuzimbawo ettendekero erigenda okutendeka abasima, abalabirira n’okuddaabiriza nnayikondo zino.
 
Tukubiriza abantu okuzirabirira obulungi kubanga kyekyo ekirabo Kabaka ky’abawadde,” Mayiga bwe yagambye n’ategeeza nti ebbanga ly’enkolagana eno we linnaaggweerako ng’ekizibu ky’amazzi kisaliddwa amagezi.
 
Abagenyi bano abaakulembeddwaamu Nick Jordan, akulira emirimu mu kitongole kino yategeezezza nti balina essanyu n’okwenyumiriza mu nkolagana yaabwe n’Obwakabaka gye basuubira nti yaakuvaamu ebibala bingi.

More From The Author

Emboozi z’omuwandiisi endala

Emboozi endala

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...

Owoyesigire 220x290

Ababbi balumbye Klezia ya Yowana...

ABABBI basatu balumbye ekifo awaterekebwa ebirabo ku Klezia ya Yowana Maria Mzee ku Lubaga Road n’amajambiya nga...

Abtexbajjohoima 220x290

Ttiyaggaasi n’amasasi binyoose...

Abbey Musinguzi owa Abtex promotions ne Andrew Mukasa owa Bajjo Events enjiri y’okununula abasibe abali ku misango...

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda