TOP
  • Home
  • Amawulire
  • Rema ategese obukadde 200 ez’omukolo gw’okwanjula

Rema ategese obukadde 200 ez’omukolo gw’okwanjula

By Martin Ndijjo

Added 10th September 2019

REMA Namakula wa kusaasaanya ensimbi ezikunukkiriza mu bukadde 200 ng’ayanjula bba Hamzah Ssebunya mu bakadde be.

Untitled1 703x422

Rema Namakula ne bba Hamzah Ssebunya.

Ssentebe w’olukiiko olutegeka omukolo guno, Hajji Isa Musoke yagambye nti ssente zino obukadde 200 ziyinza okukendeera oba okweyongera ssinga obukiiko obw’enjawulo bunaamala okwanjula embalirira yaabwo yonna n’egattibwa wamu okutegeera ensimbi ezetaagisa ku mukolo gwonna.

Ku bukiiko obwateereddwawo kuliko akavunaanyizibwa ku by’emmere, okusanyusa abagenyi, okwambala kw’omugole ne kalonda omulala ng’omukolo gw’okwanjula bwe guteekeddwa okuba.

“Rema y’omu ku bakwata ekifo ky’oku mwanjo mu bassereebu abaagala ebintu aby’ebbeeyi y’ensonga lwaki omukolo agutaddemu ssente nnyingi nnyo’, Hajji Musoke bwe yategeezezza.

Abantu abasinga abaaweebwa obuvunaanyizibwa bamaze okuwaayo embalirira yaabwe nga wasigaddeyo abavunaanyizibwa ku by’okulya n’okutimba.

Okwanjula kusuubirwa okubeerawo nga November 14, 2019 era mikwano gya Rema egy’oku lusegere omuli ne bayimbi banne baafunye dda kaadi ezibayita ku mukolo.

Musoke era yategeezezza nga Rema bwe yalinnye ennyonyi eggulo okugenda e Turkey (Butuluuki) gye banaava okweyongerayo e Buyindi bagule ebyambalo n’ebyokwewunda ku mukolo.

Okusinziira ku Musoke, aba Talo Couture Collection be yafunye okumutegeerera mu by’okwambala n’okwewunda.

Omu ku mikwano gya Rema ataayagadde kumwatuukiriza mannya yategeezezza nti okuva Rema ne Ssebunya lwe bakkaanya okukola omukolo gw’okwanjula, Rema ne mikwano gye bawaddeyo obudde okutunuulira okwanjula okuzze kukolebwa okw’amaanyi okuli abaana b’abagagga b’omu Kampala ne bassereebu nga Bobi Wine, Jose Chameleone n’abalala okukakasa nti omukolo guno gumenya emiti.

Musoke yagambye nti omukolo gwa Rema tegujja kubeerako nkiiko za kusonda ssente okuggyako okutuuza enkiiko eziteekateeka omukolo.

More From The Author

Emboozi z’omuwandiisi endala

Emboozi endala

Kt1 220x290

Poliisi ekoze ekikwekweto ku zi...

Poliisi ekoze ekikwekweto ku zi loogi n'egwa ku basinda omukwano

Cap1 220x290

AbaKulembeze mu kalungu batuuzizza...

AbaKulembeze mu kalungu batuuzizza olukiiko okutema empenda z'okulwanyisa COVID-19

Pop13 220x290

Poliisi etandise okunoonyereza...

Poliisi etandise okunoonyereza ku musirikale waayo eyakubye abaana be amasasi

Kafeera 220x290

Leero luno!

NG’ENSI eri ku bunkenke bw’ekirwadde kya Coronavirus, abamu ku Bannayuganda batandise okubiteekamu omuzannyo bo...

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....