TOP
  • Home
  • Amawulire
  • Bambega beesibye ku muwala Fortune Ayebare ku bigambibwa nti yeetaba mu kutta Nagirinnya

Bambega beesibye ku muwala Fortune Ayebare ku bigambibwa nti yeetaba mu kutta Nagirinnya

By Musasi wa Bukedde

Added 11th September 2019

Bambega beesibye ku muwala Fortune Ayebare eyakwatibwa ku bigambibwa nti alina ky’amayi ku kutemula Nagirinya.

Unity1 703x422

Ayebare eyakwatiddwa

Ayebare yakwatibwa bambega b’amagye aba CMI kyokka famire ye n’erowooza nti yali awambiddwa. Kyazuuka nga yali akwatiddwa ku bya Nagirinya.

Essimu ye yazuulwa nga y’emu ku zaasembayo okukozesebwa okwogera ne Nagirinya nga tannattibwa.

Kyategeezeddwa nti bambega bwe baabuuza Ayebare enkolagana ye ne Nagirinya yategeeza nga bw’atamulinaako kakwate.

Okuggyako essimu ye yali ebbiddwa nga kirabika abaagibba be baagissaamu layini okukubira Nagirinya.

Kyokka bambega bagamba nti baafunye amawulire ne balondoola, agalaga nti Ayebare yali mu mmotoka Prado mwe baatwalira Nagirinya e Mukono okumutta.

Kyokka aba famire ya Ayebare baawakanyizza eky’omuntu waabwe okubeera mu by’okuwamba Nagirinya.

Ronald Ainomugisha mwannyina wa Ayebare yagambye nti ng’obutemu tebunnaberaawo Ayebare yamukubira n’amutegeeza ng’essimu ye bwe yali ebbiddwa era yamusaba amuwe ku nnamba z’abooluganda lwabwe ze yalina.

Yagambye nti Ayebare muwala muntumulamu atalina ngeri gye yandikoze misoni za butemu kubanga akola mu kkampuni ya Beetingi era omusaala gwe mutono. Ebiseera ebisinga tabeera na ssente.

Ssinga akola ddiiru ezo yandibadde bulungi. Kyandiba ng’abatemu, babba essimu ya Ayebare ne bagyeyambisa mu misoni yaabwe.

More From The Author

Emboozi z’omuwandiisi endala

Emboozi endala

Kkooti1 220x290

Poliisi eremeddwa okutwala fayiro...

POLIISI eremeddwa okutwala fayiro eriko omusango gw’okutemula eyali omwogezi wa poliisi, Andrew Felix Kaweesi mu...

Luwum 220x290

Abattakisi beegugunze olw’okuggala...

ABAGOBA ba takisi mu ppaaka enkadde abakozesa omulyango oguli ku Luwum Street bavudde mu mbeera ne bateeka akaziko...

Namanve 220x290

Ab’e Namanve balaajanidde ab’ekitongole...

ABATUUZE b’e Namanve (Kireku leerwe) abali ku ttaka ly’ekitebe ky’eggaali y’omukka, balaajana oluvannyuma lw’ekitongole...

Remassebunnya 220x290

Eyeekiika mu bba wa Rema aggyeeyo...

OMUSAJJA eyavaayo ne yeesimba mu bba wa Rema, abamu kye baataputa ng’ayagala okugootaanya emikolo gy’okwanjula,...

Brian 220x290

Mukula atutte Bryan White mu kkooti...

BRYAN White, ebibye bibi. Kkampuni ya Capt. Mike Mukula emututte mu kkooti lwa kumuguza mmotoka ku doola 120,000...