TOP

SK Mbuga bamukoledde akabaga okumukulisa ekkomera.

By Martin Ndijjo

Added 30th September 2019

ABATUUZE b’omu Ssankala zooni e Makindye ekitundu omugagga SK Mbuga mw’azimba eddwaaliro bamukoledde akabaga okumukulisa ekkomera.

Mbu1 703x422

Mbuga ngatuuka ku kabaga

Ku Ssande abatuuze b'omu Ssankala baasuze mu ngatto nga balya n’okunywa nga bwe basala endongo mu kye baayise okujaguza obuwanguzi bwa ssereebu era omugagga waabwe SK Mbuga bwe yatuuseeko ne bamuwa n’ekirabo ky’embuzi.

Nga bakulembeddwamu ssentebe waabwe, Kasim Ssekimpi baalojjedde Mbuga embeera ey’obugubi gye babadde bayitamu waatabadde n’enkulaakulana gye yaleka atandiseeko okuba nti yayimirira ate nga baalina essuubi kaazimbye eddwaaliro mu kitundu kyabwe ekizibu ky’obujjanjabi kigenda kufuuka lufumo.

“Buli lunaku Hajji tubadde tukusabira era tuli basanyufu nti, Allah akikoze osobodde okuvvuunuka ebizibu ebibadde bikuzimbyeko akayumba ate okomyewo oli mulamu,” Ssekimpi bwe yagasseeko.

Mbuga mu kwogerako gye bali yasoose kubeebaza olw’omukwano gwe bamulaze n’okujjukira ebirungi bye yaleka abakoledde n’abasuubiza nti, agenda kutandikira we yakoma.

 buga nga bamukwasa embuzi Mbuga nga bamukwasa embuzi.

Yabakuutidde okukuuma emirembe n’okusanyukira mu mirembe era n’abasaba bakolere wamu naye mu kaweefube gw’aliko okulaba ng’aleeta enkulaakulana mu kitundu kyabwe.

SK Mbuga ng’amannya ge ye Sulaiman Kabangala Mbuga amaze ebbanga lya mwaka gumu n’emyezi mwenda ng’attunka mu musango gy’obufere egyamuggulwako okutuusa ku Lwokutaano kkooti e Sweden bwe yamwejjeerezza era yakomyewo mu ggwanga ku Lwomukaaga ku makya.

Bwe yabadde yaakatuuka yategeezezza nga bw’agenda okutandikira we yakoma omuli okumaliriza eddwaaliro lye ery’omulembe lye yatuuma Nu Shifah Hospital.

Nga tebannaba kumusiba yategeeza nga bwe ligenda okumalawo obukadde bwa ddoola busatu n’ekitundu (mu za Uganda nga zikunukkiriza obuwumbi 12) nga liwedde nti era n’ebimu ku byuma eby’omulembe eby’okulibeeramu, yali yabigula dda.

 

More From The Author

Emboozi z’omuwandiisi endala

Emboozi endala

Toll 220x290

Embeera ya Tamale Mirundi: Abasawo...

ABASAWO abamaze wiiki nga bajjanjaba Tamale Mirundi bamuzuddemu omusujja gw’omu byenda (Typhoid) ssaako n’obuzibu...

Abapya 220x290

Mmengo n'Abasiraamu bakukkulumye...

MMENGO eyogedde ku nkyukakyuka Pulezidenti Museveni ze yakoze mu baminisita n’egamba nti Bannayuganda bajja kusanyuka...

Yiwayiwa1 220x290

Eyawambye abaana 3 asabye ssente...

EYAWAMBYE abaana basatu e Kiboga n’asaba ssente, abazadde bazimuwadde kyokka n’abasala obulago emirambo n’agisuula...

Rugbyweb 220x290

Aba rugby ekisaawe tekibalemesa...

Hima Cement Heathens ewangudde Makerere Impis ne yeeywereza ku ntikko

Arteta 220x290

Tetujja kulemesa Arteta kwegatta...

Arsenal eri ku muyiggo gwa mutendesi muggya anaasikira Unai Emery eyagobwa ku nkomerero ya November.