TOP

Munone abaana bammwe nga baakamaliriza ebibuuzo

By Musasi wa Bukedde

Added 8th October 2019

Omubaka Johnson Ssenyonga alabudde abazadde okukima abaana baabwe ku masomero nga baakamaliriza ebibuuzo byabwe babazze eka baleme okwejjusa olw'ebyo ebiyinza okubatuukako nga babalese okuleereeta ku byalo.

Abamukubazaddeababaddebeetabyekumukologwokusabiraabaanabaabwewebuse 703x422

Abazadde abaabadde mu kusabira abayizi

Bya Joanita Nakatte

Omubaka wa Mukono North, Johnson Muyanja Ssenyonga akubirizza abazadde okukima abaana baabwe ku masomero naddala aba siniya eyoomukaaga n’eyookuna amangu ddala nga bamalirizza ebigezo okwewala ebiyinza okuva mu kubaleka okutaayaayiza mu makubo.

 mubaka senyonga ngayogera eri abayizi nabazadde Omubaka Ssenyonga ng'ayogera eri abayizi n'abazadde

 

Bino yabyogeredde ku mukolo ogw’okusabira abayizi abagenda okukola ebigezo by’akamalirizo ku ssomero lya St. Johns High School.

Yakuutidde abazadde okuba ab’obuvunaanyizibwa eri abaana baabwe ate era babawe n’obudde obumala mu luwummula luno okubaako bye babayigiriza n’obutabalekera bakozi abayinza okubakyamya.

“Abaana mubabuulirire bakule n’empisa ezijja okubayamba okuvvuunuka n’okweng’anga ebizibu ebiboolekedde nga bakula, Ssenyonga bwe yalabudde abazadde.

Omubuulizi eyakulembeddemu okusaba kuno, Jackson Matovu yasabye abayizi okusooka okukkakkana n’okwetegereza ebibuuzo, kibasobozese okubitegeera n’okubiddamu obulungi.

 mubuulizi wa entral uganda eyawummula ackson atovu ngabuulira Omubuulizi wa Central Buganda eyawummula, Jackson Matovu ng'abuulira

 

“Ebibuuzo temubiddamu mu ngeri ey’okupakuka, twala obudde osooke weetegereze ekibuuzo ekikubuuziddwa osobole okukivvuunula obulungi,” Omubuulizi Matovu bwe yannyonnyodde.

Yakubirizza abazadde okwenenya embeera zonna eziyinza okukyamya abaana baabwe okuli okuyomba, okulwanagana n’okuvumagana mu maaso gaabwe ng’ekkubo ery’okukuza obulungi omwana w’eggwanga era nabo basobole okubaganyulwamu.

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...