TOP
  • Home
  • Amawulire
  • Kasirye Ggwanga aweze okulwanyisa abanene abasaanyawo ebibira

Kasirye Ggwanga aweze okulwanyisa abanene abasaanyawo ebibira

By Joseph Mutebi

Added 14th October 2019

MUNNAMAGYE Maj. Gen. Kasirye Ggwanga alangiridde ng’obwanga bw’abwolekezza e Butambala alwanyise abanene abasaanyaawo ebibira.

Kasirye3 703x422

Kasirye Ggwanga n'embwa ye.

Bya JOSEPH MUTEBI
 
MUNNAMAGYE Maj. Gen. Kasirye Ggwanga alangiridde ng’obwanga bw’abwolekezza e Butambala alwanyise abanene abasaanyaawo ebibira.
 
Yagambye nti amaze okufufuggaza ab’e Mubende, Mityana ne Busujju kwe kusalawo alumbe ab’e Butambala.
 
“Nze sitiisibwatiisibwa muntu yenna ne bw’aba waamagye nga ndi ku kituufu, naddala
okulwanirira obutonde kubanga nze okujja okunnumba oteekwa okubeera nga weetegese bulungi.
 
Ndi omu ku bajaasi abatono wano mu Uganda abaatendekebwa obulungi mu Amerika era amagye naakagamalamu emyaka 47, ekitegeeza nti buli kye nkola ndi mukugu.” Bwatyo Maj Gen. Kasirye Ggwanga bwe yategeezeza.

 

 
Kasirye eyasangiddwa ku ffaamu ye eya “Camp David” e Banda mu ggombolola y’e Nakisunga mu Mukono ku Ssande gye yayise bannamawulire okubalaga embeera omusajja Omuganda gye yakuliramu nga bwe yali ng’amaka g’Omuganda gaabanga geetooloddwa ebibira, ente, embuzi n’ebyokulya ebirala ng’ate si bifuuyire.
 
Yagambye nti abantu bayitirizza ejjoogo oli n’ava ewaabwe n’ajja mu Buganda ne bamuguza ekibira n’atema emiti egy’emyaka 60, n’atunda embaawo ate n’amala n’asimbawo kalittunsi ow’okutemamu ebikondo by’amasannyalaze era nabyo bwe
bituuka okutunda ate n’agaana okuwa abaana b’omu kitundu omulimu gw’okubitema.
 
Yayongeddeko nti agenda kutuukirira amyuka aduumira poliisi mu ggwanga, Maj Gen. Muzeeyi Sabiiti amubuulire lwaki yawa ab’ebibira poliisi ebakuuma kyokka ne batema emiti nga batunula ne batafaayo kulwanirira butonde.
 
Era yagambye nti amangu ddala amakanda g’okulwanirira n’okutaasa ebibira bya gavumenti n’obutonde bw’ensi waakugasimba e Gomba n’e Butambala kubanga nayo bamaze okumutegeeza nti abasaanyaawo ebibira byayo bali ku misinde mizibu.

 

 
Kasirye Ggwanga yawadde omuyimbi era omubaka wa Kyadondo East mu palamenti Robert Kyagulanyi amagezi, kino ekisanja akyesonyiwe kubanga Museveni akyalina obuwagizi bungi mu bantu.
 
Yawadde abazadde amagezi okusomesa ennyo abaana baabwe wabula babalekere ebbeetu okusalawo oba bakola omulimu abazadde gwe bakola oba nedda kubanga ye tayinza kuwaliriza mwana we kuyingira magye okuggyako nga yeesaliddewo.

More From The Author

Emboozi z’omuwandiisi endala

Emboozi endala

Masasi1 220x290

Bakutte omujaasi ku kutta aba Mobile...

BULIJJO abantu bamulaba n’ekidomola ky’amazzi ekya kyenvu, nga balowooza nti aguliramu mmere ya bisolo.

Top31 220x290

Aba NRM bawonye okupangisa

Aba NRM bawonye okupangisa

Det1 220x290

Bakkaanyizza ku by’okutwala abantu...

Bakkaanyizza ku by’okutwala abantu ku kyeyo

Sos1 220x290

Mukulembeze emirimu gya Ssaabasajja...

Mukulembeze emirimu gya Ssaabasajja - Kaggo Nakibirige

Vo1 220x290

Museveni azzeemu okulabula abali...

Museveni azzeemu okulabula abali b'enguzi