TOP
  • Home
  • Amawulire
  • Kenzo ategese kulumba Muzaata e Kibuli amubuulire akana n'akataano

Kenzo ategese kulumba Muzaata e Kibuli amubuulire akana n'akataano

By Josephat Sseguya

Added 15th October 2019

EDDY Kenzo ategese kulumba Sheikh Nuuhu Muzaata ku muzikiti e Kibuli bw’aba agaanye okwetonda ku by’okumuvvoola nti agende awase nnyina n’okumuyita omuseegu.

Muza 703x422

Kenzo eyalayidde n’obutaddamu kuyimbira mu Uganda okuggyako nga Muzaata amaze okumwetondera, yategeezezza nti asazeewo asooke akomewo e Uganda asiisire ku muzikiti e Kibuli era si waakuvaawo okutuusa ng’ebya Muzaata biwedde.

Biddiridde Muzaata okutegeeza abaali ku mukolo Rema Namakula kwe yakyaliza bba omupya, Dr. Hamza Sebunya ewa ssenga we, Sarah Nanteza. Okukyala kwali Naggulu ku Lwokusatu.

Eyo Muzaata gye yasinziira okumulangira nga bw’ali ‘laavunniga’ ssemyekozo eyalemwa okuwasa ng’awoza mbu ayagala alinga nnyina, n’amulangira agende awase nnyina.

Teyakoma awo n’adda mu Juma ku Lwokutaano n’agamba nti n’empisa ze n’ennyambala ye ey’obuuma mu matu alinga omuseegu. Mu Luzungu, Kenzo yawandiise nti; I am coming back and will be sleeping outside Kibuli mosque until I see Mr. Muzaata, njagala ampoowe ne maama wange.

Kenzo eyabadde omunyiivu yagasseeko nga bw’atakyayagala buyambi bwa muntu yenna amuwa magezi ku nsonga eyo kubanga ye yekka ategeera ky’ayitamu.

Obubaka bw’okwekalakaasiza e Kibuli yabutadde ku mukutu gwe ogwa facebook kyokka bw’amazeeko essaawa bbiri zokka n’agattako obulala nti; “Nkimanyi Uganda yonna nkoowu olw’engeri gye nkuttemu ebintu bya Muzaata era nkimanyi obulamu bwange buyinza obutasigala kye kimu naye tekirina buzibu ne bwe kuba kufa ka nfe.

Nfunye obubaka bungi okuva mu mikwano gyange n’abantu abalala nti nsirike naye sisobola era sikyetaaga kintu kyonna kati.

Nja kuba musanyufu okugoberera maama wange. Muzaata tayinza kung'amba mpase maama wange ate n’atakoma okwo n’agamba ensonga lwaki nnina ‘pin’ mu matu nti ndi museegu ne nsirika.

Oba ensi yonna enkyaye, nkitegeera naye teri amanyi kye mpitamu ssaawa eno. Kye mmanyi Muzaata talina ky’afiirwa kubanga yasoma eddiini n’amala era waakitalo naye nze erinnya lye nzimbidde ebbanga, liri mu kufa olwa bye yayogedde.

Nkola nnyo olw’ebyafaayo bya ffamire yange era nsula ntunula nga nnoonyeza ffamire yange ekyokulya naye essaawa eno oba byonna biggwaawo kabiggweewo Muzaata alina okumbuulira oba omuntu ayinza okuwasa maama we.

Muzaata olina amaanyi mangi nkimanyi naye ka nkomewo tulabe,

More From The Author

Emboozi z’omuwandiisi endala

Emboozi endala

Kalendeweds1 220x290

Obunkenke e Namirembe nga Reverand...

Abooluganda n’emikwano gya bagole ababadde mu lutikko baasirikiridde buli omu nga bwatunuulira munne okutuusa Rev....

Saba 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Nakalembe1 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Sebulime1 220x290

Famire ya Ssebulime ekukkuluma...

FAMIRE y’omugenzi Ronald Ssebulime eyakubwa poliisi amasasi ng’ateeberezebwa okuba mu lukwe lw’okwagala okutta...

War1 220x290

Tekinologiya wa Iran asannyalazza...

TRUMP yabadde takisuubira nti Iran erina tekinologiya asobola okusannyalaza ennyonyi za America! Kyamukubye wala...