TOP
  • Home
  • Amawulire
  • Museveni awadde Sabiiti ekiragiro ku batta abantu

Museveni awadde Sabiiti ekiragiro ku batta abantu

By Musasi wa Bukedde

Added 15th October 2019

PULEZIDENTI Museveni awadde amyuka omuduumizi wa poliisi mu ggwanga, Maj. Gen. Sabiiti Muzeeyi, ennaku bbiri aveeyo n’enkola ennambulukufu okulwanyisa abatta abantu.

M71 703x422

Museveni

Bya MUSASI WAFFE

PULEZIDENTI Museveni awadde amyuka omuduumizi wa poliisi mu ggwanga, Maj. Gen. Sabiiti Muzeeyi, ennaku bbiri aveeyo n’enkola ennambulukufu okulwanyisa abatta abantu.

Muzeeyi y’amyuka Martins Okoth Ochola.

Museveni mu kiragiro kino yatageezezza nti awulira yeetamiddwa abatemu be yayise ‘embizzi’ abatta abantu nga bakozesa ebijambiya n’emitayimbwa olwo ne balyoka babakolako obunyazi obw’enjawulo.

 abiiti Sabiiti

 

Bino we bijjidde nga ku Mmande abatemu baateeze omusuubuzi Joseph Baguma ku maka ge e Kisubi ku lw’e Ntebe ne bamutemaatema ssaako okubba ssente ezisoba mu bukadde 100.

Era ku Lwomukaaga lwa wiiki ewedde, abatemu baayingiridde omugagga mu bitundu by’e Garuga ne bamutemula.

Ku lunaku lwe lumu abakubi b’obutayimbwa baataayizza omuserikale Joshua Tusingire akulira okunoonyereza ku buzzi bw’emisango ku CPS ne bamukuba ne bamuleka ng’ataawa.

Museveni yategeezezza nti yabadde akyali mu kibuga Addis Ababa ekya Ethiopia naye bw’anaakomawo ajja kusooka kuyita mu pulaani ya Sabiiti olwo bw’anakkaanya nayo ajanjulire eggwanga abantu bonna bamanye engeri gy’agenda okulwanyisaamu ettemu lino.

Omuduumizi wa Poliisi Martins Okoth Ochola tali mu ggwanga ng’aliko olukuhhaana lwe yagendamu e Peru.

Mu kiwandiiko Museveni kye yatadde ku mukutu gwe ogwa Facebook ng’abuulira abazzukulu ne Bannayuganda bonna, yategeezezza nti abatemu bangu nnyo okutuula ku nfeete n’awera nti baakufaafagana nabo okulaba ng’abantu babeera mu ggwanga mu mirembe.

More From The Author

Emboozi z’omuwandiisi endala

Emboozi endala

Thumbnailunaiemerypoints 220x290

Martin Keown anyiizizza aba Arsenal...

Martin Keown, omu ku bazibizi abaayitimukira ennyo mu Arsenal era nga yali mu ttiimu eyawangula Premier nga tekubiddwaamu...

Gareth Bale ali ku yoleke

Gareth Bale ali mu kattu olw’abawagizi ba Real Madrid abaanyiize olw’okulaga nti ttiimu eno y’ekoobera mu bintu...

Mauriciopochettino2019 220x290

Barcelona eyagala Pochetinno asikire...

Barcelona, bakyampiyoni ba Spain bandikola eky’omuzizo ne bakansa omutendesi eyatendekako Espanyol FC, bwe batalima...

Bwakikola 220x290

Biibino ebitundu ebirala ebyefudde...

NE WANKUBADDE ng’abantu abasinga Bermuda Triangle bamumanyi ng’ekifo ekibuzaawo abasaabaze ababeera mu nnyonyi...

Son 220x290

Taata na yasooka kunkolako byawongo...

OKUSOBYA ku bawala ng’ate ababasobyako bahhanda zaabwe mu maka mwe babeera kikyali kizibu kinene ekyetaaga okunogera...