TOP
  • Home
  • Amawulire
  • Poliisi erambuludde engeri gy'okufunamu emmundu n'enkozesa yaayo

Poliisi erambuludde engeri gy'okufunamu emmundu n'enkozesa yaayo

By Musasi wa Bukedde

Added 22nd October 2019

OLUVANNYUMA lw’omugagga Ali Jabar okuyingira n’emmundu mu ddwaaliro lya Kampala Independent Hospital n’agikwasa mulamu we eyamukubye essasi n’afa, tutunuulidde amateeka agafuga emmundu, engeri gy’ogifunamu n’engeri gye weeyisaamu ng’oli nayo.

Tta 703x422

Emu ku mmotoka za Jabar

Assan Kasingye avunaanyizibwa ku kitongole ekikwanaganya poliisi n’omuntu waabulijjo agamba nti etteeka ku mmundu ligamba nti: Omuntu bw’aweebwa emmundu, alina kugikozesa ng’ali yekka.

Tateekeddwa kugenda ng’akaalakaala nayo mu bifo bya lukale kuba bivunaanyizibwako poliisi.

Ku kyatuuse ku Jabar, yakoze nsobi okugiggya mu mmotoka ye okugitwala mu ddwaaliro.

Erina okubeera mu makaago oba emmotoka yo. Ebifo ebirala okuli ppaaka, ekkanisa, super maketi, obutale, amalwaliro toteekeddwa kugiggyayo.

Ssinga omuntu eyaweebwa emmundu oyo afa, aba famire balina kugizza ku poliisi etteeka terikkiriza mulala ataagiweebwa.

Yayongedde nti alina emmundu alina kugikozesa mu mbeera ng’ali mu bulabe nnyo.

Ate looya wa poliisi James Kusemererwa yagambye nti omuntu bwe bakkiriza okumuwa emmundu, basooka kumutendeka era wano we bamutegeereza engeri y’okugikuumamu n’okugikozesa.

Yayongeddeko nti terina kuva mu mikono gyo era buli agiraga mu bantu aba akoze nsobi.

Amyuka omwogezi wa poliisi mu Kampala n'emiriraano, Lucas Owoyesigyire yagambye nti ebifo byonna eby'olukale birina okubaako ebifo bibiri; ekiyingiza emmotoka n'awayita abantu.

Mu bifo bino byonna kulina okubaako abantu abakebera n'ebikozesebwa.

Yagasseeko nti mu bifo bino, ne bw'aba muserikale nga tali ku mulimu, alina okukeberebwa n'emmundu ye n'agiwandiisa mu kitabo ekibaawo n'agirekera abakuumi.

Okuggyako omuserikale alina ebbaluwa ng'emwanjula ng'ali ku mulimu okugeza ng'azze kubaako by'ayaza.

Yagambye nti ku nsonga ya Jabar abakuumi babadde bamumanyiizizza amaaso ne batmwaza ekintu ekikyamu.

More From The Author

Emboozi z’omuwandiisi endala

Emboozi endala

Lip2 220x290

Okutuuza Ssaabalabirizi kuli mu...

Okutuuza Ssaabalabirizi kuli mu ggiya

Set1 220x290

Museveni awabudde ku nteekateeka...

Museveni awabudde ku nteekateeka y’ettaka eneegaggawaza Bannayuganda

Tip2 220x290

Abbye abaana babiri n’abatwalira...

Abbye abaana babiri n’abatwalira muganzi we

Top2 220x290

Ebyabaddewo mu lutalo lwa Pallaso...

Ebyabaddewo mu lutalo lwa Pallaso e South Africa annyonnyodde

Nem1 220x290

Leero mu mboozi y'omukenkufu tukulaze...

Leero mu mboozi y'omukenkufu tukulaze engeri gy'oyinza okkozesaamu empirivuma okulongoosa omutima n'okugumya ebinywa...