TOP

FUFA etongozza kampeyini ya AFCON 2020

By Silvano Kibuuka

Added 23rd October 2019

FUFA etongozza kkampeyini ya Uganda okugenda mu Africa Cup of Nations e Cameroon omwaka ogujja ne bateekawo engombo nti ‘366 Back To Namboole With The Cranes’.

Nsonga 703x422

Bategeezezza nga bwe bapangisizza n’ennyonyi ya Uganda Airlines eya Bombardier okutwala ttiimu esambe omupiira gwayo ogusooka ne Burkina Faso mu kibuga Ouagadougou nga November 13.

Ttiimu esitula November 12 ate bakomewo nga 14 olwo ate batandike okwetegekera ogwa Malawi nga November 17 e Namboole.

Akola nga pulezidenti wa FUFA, Justus Mugisha agambye nti bataddewo ebifo by’abawagizi 30 abanaagenda ne Cranes ku nnyonyi eyo nga baakusula mu woteeri y’emu era bayingire okulaba omupiira nga byonna baakusasula ddoola z’Amerika 1,500.

“Okupangisa ennyonyi twayagadde okusobozesa Cranes okudda mu budde ate yeetegekere ogwa Malawi nga kino kibadde tekijja kusoboka nga bakozesa ennyonyi eza bulijjo olw’entambula enzibu naddala okugenda mu bugwanjuba bwa Africa”, Mugisha bw’ategeezezza bannamawulire e Mengo.

Ye omutendesi John Mckinstry agambye nti  Burnika Faso si nyangu kubanga esubiddwa empaka za AFCON enfunda bbiri ate nga Uganda ye yagigyako omwaka oguwedde.

“Burkina Faso nnungi ate eyagala. Malawi nayo eyagala kugenda mu AFCON n’olwekyo tulina okulaga omutindo okuyitamu. Twetaaga obubonero bwonna 12. Abasambi abali awaka nabo balina omukisa okwegatta ku ttiimu singa banaalaga omutindo”, Mckinstry bw’ategeezezza.

Cranes yasemba okukuba Burkina Faso omwaka oguwedde ggoolo 1-0 e Namboole nga yateebwa Patrick Kaddu ate nga Malawi bwe yakyala kuno mu gw’omukwano baalemagana 0-0.

More From The Author

Emboozi z’omuwandiisi endala

Emboozi endala

Netherlands1 220x290

Budaaki ewadde Uganda obuwumbi...

EGGWANGA lya Budaaki likubye Uganda enkata ya buwumbi bwa ssente bubiri, ziyambe mu kutumbuka eby’obulambuzi mu...

Mus12 220x290

Aba NRM bawonye okupangisa

Aba NRM bawonye okupangisa

Masasi1 220x290

Bakutte omujaasi ku kutta aba Mobile...

BULIJJO abantu bamulaba n’ekidomola ky’amazzi ekya kyenvu, nga balowooza nti aguliramu mmere ya bisolo.

Top31 220x290

Aba NRM bawonye okupangisa

Aba NRM bawonye okupangisa

Det1 220x290

Bakkaanyizza ku by’okutwala abantu...

Bakkaanyizza ku by’okutwala abantu ku kyeyo