TOP
  • Home
  • Amawulire
  • Omulabirizi bamubbyeko emmotoka nga tannagisasula ku gimalayo

Omulabirizi bamubbyeko emmotoka nga tannagisasula ku gimalayo

By Henry Nsubuga

Added 31st October 2019

Omulabirizi Luzinda bamubbyeko emmotoka nga baalinnye kikomera ne bagitwala.

Mul1 703x422

Omulabirizi eyawummula Kazinda Kizito ng'ayogera ku ssimu oluvannyum alw'okubbibwako emmotoka ye

POLIISI e Mukono ebakanye n'omuyiggo gw'abazigu abatannategeerekeka abaabuuse ne bagwa mu kikomera ky'omulabirizi w'e Mukono eyawummula, Eria Paul Luzinda Kizito ne babba emmotoka ye.

 Ekikomera ky'ennyumba y'omulabirizi mwe babbidde emmotoka ye

Omwogezi wa poliisi mu Kampala n'emiriraano, Patrick Onyango agambye nti emmotoka ya Bp. Luzinda yabbiddwa mu kiro ekikeesezza olwaleero bwe yagisimbye mu luggya lw'ennyumba ye munda mu kikomera n'anyingira mu nnyumba okwebaka.
 
Luzinda agambye nti emmotoka eno ebadde ya Noah nnamba UAW 393S nga ya 'grey'.
Alaze okunyolwa olw'abazigu abatakyatya wadde abaweereza ba Katonda ku ddaala ly'aliko ery'omulabirizi.

''Oba omulabirizi emmotoka eyange nayo bagibbye ekyoleka nti nange sirina bukuumi, kati abantu baabulijjo mu byalo?'' bw'ategeezezza.

 
Eky'ennaku Luzinda agambye nti yagula emmotoka eno ku nkola ya kibanja mpola ng'ayagala okutwala mu maaso omulimu gw'okubuulira enjiri ng'eby'embi kwe kuba ng'ebbiddwa nga n'ensimbi ezaagigula tannazimalayo. 
 
Omuwandiisi w'Obulabirizi bw'e Mukono Rev. Canon John Ssebudde agambye nti kyannaku nti omwaka guno ababbi beefunyiridde okubba emmotoka z'abaweereza.
Ssebudde ategeezezza nti okuva mu July, emmotoka z'abasumba 5 ze zaakabbibwa. Kigambibwa nti obumenyi bw'amateeka mu Mukono bweyongedde mu kiseera kino ng'amayumba gamenyebwa ebintu be bibbibwa.
 
Ku Ssande waliwo ggalagi y'omutuuze Hanifa Ssemakula abeera mu Canan Site ku kyalo Kituba mu muluka gw'e Mpoma mu ggombolola y'e Nama eyaggulwa mu kiro emmotoka ye ekika kya Wish namba UBB 908U eya 'grey' n'ebbibwa.
 

More From The Author

Emboozi z’omuwandiisi endala

Emboozi endala

Know 220x290

Baze yanjiira asidi lwa kumugaana...

OBUTABANGUKO mu maka kimu ku bizibu ebiyuuya obufumbo mu ggwanga. Abakazi be basinga okukosembwa embeera eno era...

Laga1 220x290

Bwe nnafuna olubuto lw'abalongo...

NZE Ritah Byeganje, 25, ndi mutuuze mu Katoogo zooni mu muluka gwa Bwaise III e Kawempe. Nasinsinkana ne muganzi...

Yamba 220x290

Baze bwe yayingirira eby'okusamize...

EBIKOLWA by’okusamira n’okukozesa ebyawongo kimu ku bivuddeko obufumbo bw’ensangi zino okutabanguka.

Abakungubanrmmuofiisiyacaojamesnkataabaakulembeddwardcfredbamwineasookakuddyowebuse 220x290

RDC w’e Mukono akulembeddemu kaweefube...

Abakulembeze e Mukono bavuddeyo ku byobugagga bya disitulikiti y'e Mukono ebigambibwa okutundibwa

Abazaddenabongabavuganyamumpakazokuddukanolondaakapapulaobweddaobulimuebiraboebyenjawulowebuse 220x290

Abazadde bawangulidde abaana baabwe...

Omukulu w'essomero akakoze bw'addizza abazadde ebirabo n'abaleka nga bamutenda omwoyo gw'okuddiza