TOP

Aba LDU baakulambibwako amannya gaabwe

By Henry Kasomoko Henry Kasomoko

Added 7th November 2019

ABA LDU bakuweabwa ennamba n'okuwandiika amannya gaabwe ku yunifoomu zaabwe ng’emu ku nkola y'okuzuula abasiwuufu b'empisa.

Ldu7 703x422

Lt. Col. Hassan Kalungi avunaanyizibwa ku by'okukwasisa empisa mu baserikale ba LDU ng'ayogera eri abatuuze b'e Kamwokya mu lukungaana lw'ebyokwerinda olwetabiddwaamu n'abaserikale ba poliisi ya Kira Road.

Bya HENRY KASOMOKO

 ABA LDU bakuweabwa ennamba n'okuwandiika amannya gaabwe ku yunifoomu zaabwe ng’emu ku nkola y'okuzuula abasiwuufu b'empisa.

 Bino ebiragiro bya botoddwa Lt. Col. Hassan Kalungi bwe yabadde asisinkanye batuuze b'e Kamwokya mu kaweefube ab'amagye gwe baliko ne poliisi okulaba nga bakendeeza obumenyi bw'amateeka mu bitundu bya Kampala ebyenjawulo.

 Olukungaana luno lwagendereddwaamu okumanyisa abatuuze engeri gye basobola okumanya obukodyo  bwe bayinza okweyambisa nga balwanyisa n'okumalawo obumenyi bw'amateeka mu bitundu byabwe.

Kalungi abantu baamuloopedde abaserikale ba LDU bebagamba nti basusizza okusiiwuuka empisa nga bakola emirimu gyabwe ng’abatuuze bamunokoleddeyo ne munnaabwe Moses Baluku abadde yakattibwa aba LDU mu bitundu bya Mulimira abatuuze gwe bagambye nti abaserikale bano bamusanga adda wakka.

 Kalungi yabaanukudde nti kituufu aba LDU abamu balina obusiiwuufu bw'empisa kyokka n'asaba  abantu obutakoma ku kubogeerako bwogezi wabula okubatuukiriranga buli bwe babeera babatulungunyizza okubanguyiza  omulimu gw'okubavunaana.

 Yanokoddeyo amateeka aba LDU ge bagenda okubateekako omuli, okuteeka amannya gaabwe ku bya mbalo byabwe n'ennamba okwanguyiza oyo gwe babeera bakozeeko obuzibu okumwawula obulungi, bakukola patulo nga bali ne poliisi y’omukitundu abasentebe oba abakulira ebyokwerinda mu bitundu nti kubanga bebabeera bamanyi bobulungi bantu, n'okunoonyayo enkola mwebagenda okubawulira  mu bibinja  nga singa  ekikolobero kikolebwa mu kitundu  bakama baabwe bamanya nti eki kibinja  bwekiti n'ebirala.

 

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana