TOP

Gavt. yaakutwala ettaka eritalina kikolerwako

By Musasi wa Bukedde

Added 8th November 2019

KABINEETI ewadde minisita w’ebyettaka, Betty Amongi ekiragiro okubaga enkola enaagobererwa gavumenti okweddiza ettaka eritalina kikolerwako.

Land703422 703x422

Enkola y’emu ejja kubeera ng’ewa gavumenti obuyinza okweddiza ebyapa ebiringa ebyabulako bannannyini byo ebiri mu bitundu by’eggwanga ebyenjawulo naddala e Bunyoro.

Amongi yategeezezza nti, mu bitundu ebimu nga Bunyoro, gavumenti etubidde n’ebyapa by’ettaka ebisoba mu 300 eritaliiko nnannyini lyo wadde omuntu alyogerako.

Okufuba okulaba nti gavumenti efuna ettaka kwe balina okuzimba amakolero, okutandikawo bizinensi ez’enjawulo, okuteekateeka obulungi ebifo abantu kwe balina okusenga nga bifunye pulaani entuufu n’okukendeeza ku nkaayana z’ettaka ng’abantu bafuna ebyapa ku ttaka kwe batudde okwetoloola eggwanga, awo kabineeti we yasinzidde okuwa ekiragiro kino.

Amongi yayongedde okunnyonnyola nti, okuyita mu nkola eyo, gavumenti ejja kusobola okweddiza ettaka eryo mu ngeri y’okuligabako liizi lisobole okukozesebwa naddala mu bitundu eby’ebibuga.

Omumyuka wa Katikkiro wa Uganda asooka, Gen. Moses Ali yategeezezza nti gavumenti ereeta enkyukakyuka eziwerako mu mateeka kubanga emirimu mingi gy’ekola ng’okuzimba enguudo. Eggaali y’omukka n’ebirala byetaaga engeri ennuhhamu ey’okufunamu ettaka.

Kino kyetaagisa enkola eyanguyiza gavumenti okweddiza ettaka ly’omuntu mu wiiki emu yokka emirimu gireme kwesiba.

Wabula Mmengo yalabudde gavumenti ereme kuleeta nkola ku byapa bye bagamba nti tebiriiko babiwondera.

Omwogezi wa Mmengo minisita, Noah Kiyimba yategeezezza New Vision nti eddembe ly’omuntu okubeera n’obwannannyini ku ttaka n’okulikozeseza wabeera ayagalidde lisaana okussaamu ekitiibwa.

More From The Author

Emboozi z’omuwandiisi endala

Emboozi endala

Unity 220x290

Bakutte agambibwa okukuba Imaam...

POLIISI ekutte omusajja agambibwa okukuba Imaam w’e Iwemba, Bugiri Sheikh Masuudi Mutumba amasasi agaamusse n’atwala...

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...