TOP
  • Home
  • Amawulire
  • Abakozi na yunivasite bavunaaniddwa gwa kubulankanya ssente

Abakozi na yunivasite bavunaaniddwa gwa kubulankanya ssente

By Musasi wa Bukedde

Added 8th November 2019

Abakozi ba yunivasite y'e Soroto babatutte mu kkooti lwa kubulankanya obukadde 15. Banno baagasimbaganye n'omulamuzi Nabende eyagaanyi okubayimirira okutuusa nga November 12,2019 lwe banaakomezebwaawo mu kkooti.

Court2jpgweb 703x422

Abasibe nga bazzibwaayo mu kaddukulu.

Bya EDWARD LUYIMBAAZI ne IGNATIUS KAMYA

 

ABAKOZI ba Yunivasite y'e Soroti 4 basimbiddwa mu kkooti erwanyisa obukenuzi n’obulyake e Kololo ne bavunaanibwa emisango esatu okuli okukozesa obubi ofiisi zaabwe, okufiiriza gavumenti ssente, obukumpanya n’okwekobaana okufera gavumenti ssente ezisoba mu bukadde 15.

 

 Abavunaaniddwa kuliko David Omeke 36, omumyuka w'avunaanyizibwa ku by’ettaka n’amayumba mu yunivasite eno, James Odongo, 41, omubalirizi wa yunivasite, Gilbert Otim 35, omuwanika ne Samuel Omonding 49, omuwandiisi be baasimbiddwa mu maaso g’omulamuzi, Moses Nabende  n'abasomera  emisango egyo.

 

Omuwaabi wa gavumenti, Nicholas Kawooya kigambibwa nti nga September 11 okutuusa nga 15 abantu bano baasinziira mu bifo bye balimu ku yunivasite eyo ne bakozesa ssente za yunivasite 15,900,000 nga  tebafunye lukusa ne bazeesasula ne bannaabwe abalala nga bagamba  nti baazikozesa  mu lukung'aana lw'amatendekero aga waggulu olwaliwo okuva nga September 16 okutuuka nga 18 ku Serena Hotel mu Kampala.

 

Bavunaaniddwa emisango emirala ebiri okuli ogwofiriiza gavumenti ssente n'okwekobaana ne bafera gavumenti ssente. Emisango gyonna baagyegaanye. 

 

Nga bayita mu looya waabwe, Bosco Okiror  basabye kkooti okweyimirirwa kyokka omulamuzi Nabende n'agaana okuwulira okusaba kwaabwe kubanga obudde bubade buyise ng’alina emisango emirala egy'okuwulira.

 

Abasindise ku limanda mu kkomera e Luzira okutuusa nga Novermber 12, 2019 lwe banaakomawo awulire okusaba kwabwe.

 

Bano baakwatibwa ekitongole ekirwanyisa obukenezi n'obulyake ekikulemberwa Maj.Edith Nakalema.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana