TOP
  • Home
  • Amawulire
  • Abadde aduumira ab'ewa Kisekka okwekalakaasa bamuyiyeemu emmotoka n'ayogeza ebirime

Abadde aduumira ab'ewa Kisekka okwekalakaasa bamuyiyeemu emmotoka n'ayogeza ebirime

By Musasi wa Bukedde

Added 8th November 2019

Sipapa ne Full Figure olwavudde ewa Museveni, baagenze butereevu ewa Kisekka Sipapa gye yagabidde eyabadde akulira ab’ewa Kisekka mu kwekalakaasa, Ronald Kasekende emmotoka kika kya Toyota Raum UBE 702G.

Simba 703x422

Sipapa ne Full Figure olwavudde ewa Museveni, baagenze butereevu ewa Kisekka Sipapa gye yagabidde eyabadde akulira ab’ewa Kisekka mu kwekalakaasa, Ronald Kasekende emmotoka kika kya Toyota Raum UBE 702G.

Kasekende olwafunye emmotoka, yatandikiddewo okulabula bannabyabufuzi bonna abali ku ludda oluvuganya Gavumenti obutaddamu kulinnya kigere wa Kisekka kubanga bbo baakoowa entalo kati baagala kukola ssente.

Okugabira Kasekende emmotoka n’asala eddiiro kyatabudde banne bwe bakolera mu katale ewa Kisekka ne bakubisa ekipande ekinene nga balaga nti bbo tebawagira NRM, bali mabega wa Bobi Wine mu kalulu ka 2021.

 

Kasekende yagambye nti, wabaddewo emmotoka ssatu, Toyota Mark X, Toyota Harrier Kawundo ne Toyota Raum n’alondako Raum. Oluvannyuma, Full Figure ng’ali ku lediyo emu mu Kampala yategeezezza nti, eky’ewa Kisekka kyawedde, okuva lwe baagenzeeyo bonna abaabadde ku ludda oluvuganya Gavumenti baakyuse kati ba NRM.

Brian Ssemanda eyakulembeddemu abavubuka abatakkanya ne Gavumenti yategeezezza nti, Kasekende baali baamulimbalimba dda n’obusente n’akyuka n’atandika okuwagira NRM nti kyokka ali yekka bbo bafiira ku Bobi Wine.

Ono yagasseeko nti, Pulezidenti Museveni ssente ze yawadde Full Figure ne Sipapa za muwi wa musolo ateekeddwa okulondoola ensaasaanya yaazo n’abantu be yazigabidde abateeke ku nninga bamulage bye bazikozeemu.

“Amalwaliro mangi temuli ddagala, abavubuka basiiba ku nguudo tebalina mirimu, ssente ezandibadde zibayamba n’okuteeka eddagala mu malwaliro pulezidenti yazikutte n’aziwa Full Figure ne Sipapa! Twagala alondoole bye zikoze.” Ssemanda bwe yategeezezza.

Yagasseeko nti, Kasekende gwe baawadde emmotoka bamulinako emisango kubanga yakubye bannaabwe babiri amayinja omu ne limukwata okugulu ate omulala lyamukutte ku mutwe era akyali mu ddwaaliro.

Ekibinja kya Ssemanda kyabaddemu abavubuka okwabadde Paul Kafeero, Ramadhan Makumbi, Rashid Sseggujja, Yassin Ssekitooleko amanyiddwa nga Machete, Denis Ssenono n’abalala abaalayidde okufaafagana n’aba NRM abaagala okubalinnyirira.

 

More From The Author

Emboozi z’omuwandiisi endala

Emboozi endala

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...

Remagrad2 220x290

Rema alangiridde bw’addayo ku yunivasite...

REMA Namakula alangiridde nga bw’agenda okuddayo ku yunivasite e Kyambogo amalirize diguli ye omwaka guno oluvannyuma...

Kadodi 220x290

Emmotoka esse 8 abazina akadodi...

ABANTU 8 ababadde bazina akadodi bafiiridde mu kabenje n’abalala ne bagenda n’ebisago ttakisi bwe yabasaabadde...

Annotation20200120121207 220x290

Omuko yeetonze ku by’okufa kw’omwana...

“NSABA famire ya mukyala wange Nansubuga ne bannayuganda mwenna munsonyiwe olwa mukoddomi wange John William Bomboka...

Bugingo703422 220x290

Bugingo ayanukudde abamulumba ku...

PAASITA Bugingo ow’ekkanisa ya House of Prayer Ministries ayambalidde bannadiini abavuddeyo okuvumiriira ensomesa...