TOP

Enseenene: Omugano gwa November

By Muwanga Kakooza

Added 12th November 2019

AKEETALO akali mu Kampala n’emiraano kati ka nsenene. Enseenene kye kimu ku by’okulya ebisinga okuwoomera Bannayuganda naddala ababeera mu Buganda.

Basezone3 703x422

Bya Musasi waffe

AKEETALO akali mu Kampala n’emiraano kati ka nsenene. Enseenene kye kimu ku by’okulya ebisinga okuwoomera Bannayuganda naddala ababeera mu Buganda.

 

N’abantu abatali Baganda ababeera mu Buganda abaali tebalya nseenene kati baaziyiga era zibawoomera okuzaama.

Enseenene zigwa wakati wa March okutuuka mu June. Olwo ne ziddamu okugwa mu November. Era be bezisinga okuwomera bagamba nti bazinyweera ku bbiya wadde abamu bagamba nti zibawomera banywa mazzi oba ccaayi.

 

alt=''

 

Ensenene zisinga kukwatibwa mu bitundu omuli amataala agaaka ennyo naddala ag’amasanyalaze.Era mu bitundu bino abantu baddira amabaati ne bagawunzikira ku mapipa amanene olwo ensenene olugezaako okubembeera ku mabaati zigwa mu pipa n’abantu beeyolekera kutwala mu butale kutunda. Masaka kye kimu ku bitundu bya Uganda ebisinga okuggwamu ensenene.

 


Abantu bangi bakyewuunya wa ensenene gye ziva.

Era abamu ku bawandiisi b’ebitontome mu Uganda batuuka n’okuziwandikako ekitontome kiramba nga beebuuza wa gye ‘’zizaalibwa’’. Ng’ogyeko e Masaka , kigambibwa nti ebitundu ebirala nga Fort Portal ku nsozi z'e Gahinga, e Hoima era ne ku nsalo ya Uganda ne Rwanda e Kagitumba waggwaayo ensenene.

 

 

 Abasuubuzi nga bakaayanira enseenene ez'okusuubula.

Ensangi zino enseene ate kati ziva Arua ne ku nsalo ya Uganda ne Conogo mu mambuka. 

Okuva eno zireetebwa mu butale e Kampala naddala e Busega, Kyengera n’e Katwe. Era abazitunda bazisasaanya mu bitundu bya Kampala ebitali bimu okwenogera ennusu.

 

 

  Enseenene abamu bazifumba bufumbi ate abalala bazisiika.

E Nateete enseenene basinga kuzifumba ate e Nakasero mu Kampala ezisinga ezitundibwa ziba nsiike wadde n’embisi zitundibwa. Ensenene olumu bazisiikisa butto.

 

 

 

   Omu ku baali abasuubuzi b’ensenene era nga mukulembeze mu katale akamu Vincent Muhoozi agamba nti enseenene zitambula zigoberera mbuyaga. Agamba nti ensonga lwaki zigwa nnyo e Masaka lwa kuba zifuuyibwa embuyaga eva ku nnyanja Nalubaale era bwe zituuka mu Lwera ziba zirengera ebitaala ebyaka olwo ne ziryoka zibyeyuna ne zigwa mu katego k’okuzikwata.

 

 

 


Mu Buganda abakazi tebaalyanga nsenene. Kyokka abakazi baazikwatiranga ba bba baabwe era kyabanga kya muzizo okuzikwata nga ba bba baabwe tebaliiwo.

 

 

 

 

 bakwasi benseenene nga bateze enseenene zaabwe azikwata kiro Abakwasi b'enseenene nga bateze enseenene zaabwe. Bazikwata kiro.

 

Bwe baabanga bakikoze nga waliwo emikolo egisooka okukolebwa. Kigambibwa nti n’e Kabaka olumu nga baziwereza abantu baabwe mu Buganda ng’akabonero akasiima emirimu gye bakola.

Ng’ogyeko abakazi, n'abeddira enseenene tebazirya.

 

 nseenene nga zigudde mu ppipa Enseenene nga zigudde mu ppipa.

 

Ensenene zitundibwa okuva ku 500/- ejjiiko eya ssukaali n’okweyongerayo.

Era ng’ensawo eweza kilo 25 okudda wagulu mu katale ewoozebwako omusolo gwa 2,000/-. Ebirala ebireetera enseenene okulinnya ebbeeyi ge masannyalaze ageeyambisa mu kuzikwata.

 

 nseenene zitikibwa kabindo okutwalibwa mu katale Enseenene zitikibwa kabindo okutwalibwa mu katale.

 

 nseenene nga zivugibwa ku bodaboda Enseenene nga zivugibwa ku bodaboda.

 

 Akatale k'enseenene e Busega.

 

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...