TOP

Poliisi ekutte 30 mu kikwekweto

By Moses Lemisa

Added 20th November 2019

Paul Kibuuka ssentebe wa Kiggundu zooni yategeezezza nti obumenyi bw’amateeka buba ng’obukendeeramu mu kitundu ne buddamu ng’ate abakwatibwa kkooti zibayimbula.

Abamukubaakwatiddwa3 703x422

Abamu ku baakwatiddwa.

POLIISI y’oku Kaleerwe ekoze ekikwekweto mw’ekwatidde abagambibwa okuba abamenyi b’amateeka abasoba mu 30, aba LC ne babawaako obujulizi.

Mu kiro ekyakeesezza ku Lwokubiri poliisi y’oku Kaleerwe eyaduumiddwaamu OC ASP Frank Ayo baakoze ekikwekweto mwe baakwatidde abavubuka bano.

Ku Lwokubiri poliisi yayise abakulembeze ba LC ne basunsulamu abatalina mutawaana ne bayimbulwa ng’abalala balindirirwa kutwalibwa mu kkooti.  

Abamu ku batuuze baalumirizza abakwate nti emisana beerimbika mu bulimu obutonotono olwo ekiro ne bateega abantu.

Omu ku batuuze, Kato Mutyaba yategeezezza nti poliisi ky’erina okukola kwe kukwatagana n’abakulembeze ba LC ne bagiwa olukalala lw’abamenyi b’amateeka ab’omutawaana kuba abasinga bamanyiddwa nga bazze bakwatibwa ne batwalibwa mu kkooti ne bayimbulwa ne batandikira we baakoma mu kutigomya abantu.

Paul Kibuuka ssentebe wa Kiggundu zooni yategeezezza nti obumenyi bw’amateeka buba ng’obukendeeramu mu kitundu ne buddamu ng’ate abakwatibwa kkooti zibayimbula.

OC ASP Ayo akulira poliisi y’oku Kaleerwe yategeezezza nti  bagenda kukolagana ne bassentebe b’ebitundu okulaba nga balwanyisa abamenyi b’amateeka naddala ng’ennaku enkulu zisembedde.

Mu baakwatiddwa mwabaddemu  Ibrahim Mugisha, 49 eyagambye nti mutuuze w’e Gayaza Kijabijo ng’akola gwa  buzimbi.  Mu kwewozaako baagambye nti baabakutte badda waka.

More From The Author

Emboozi z’omuwandiisi endala

Emboozi endala

Ras13 220x290

Laba ekyabadde ku kisaawe e Bugembe...

Laba ekyabadde ku kisaawe e Bugembe Bebe Cool n'abakungu ba ministry ya Health gye baamaze olunaku lulamba nga...

Sat13 220x290

Pass PLE addamu mu February

Pass PLE addamu mu February

Soz1 220x290

UNEB eraze ebintu 7 ebyasudde aba...

UNEB eraze ebintu 7 ebyasudde aba P7 ebyetaaga okukolako

Dit1 220x290

Obugagga bwange buli mu mbizzi...

Obugagga bwange buli mu mbizzi

Gat1 220x290

Owa LDU akubye omuntu essasi mu...

Owa LDU akubye omuntu essasi mu kumukwata