TOP
  • Home
  • Amawulire
  • Nnabe agudde mu Bwakabaka bwa Bungereza: Kkwiini awummuzza mutabani we

Nnabe agudde mu Bwakabaka bwa Bungereza: Kkwiini awummuzza mutabani we

By Musasi wa Bukedde

Added 22nd November 2019

NNABE agudde mu bwakabaka obusinga amaanyi mu nsi yonna, Kkwiini wa Bungereza bw’awummuzza mutabani we ow’ekyejo era gw’asinga okwagala ng’entabwe eva ku bikolwa bye eby’ekitigi, obwonoonefu n’obuseegu.

Kwiini 703x422

Kkwiini n’Omulangira Andrew gwe yawummuzza olw’okuswaza olulyo Olulangira mu Bungereza.

NNABE agudde mu bwakabaka obusinga amaanyi mu nsi yonna, Kkwiini wa Bungereza bw’awummuzza mutabani we ow’ekyejo era gw’asinga okwagala ng’entabwe eva ku bikolwa bye eby’ekitigi, obwonoonefu n’obuseegu.

Kkwiini Elizabeth II nga yenna tasalikako musale yayise mutabani we Omulangira Andrew Albert Christian Edward 59, mu lubiri lwe olukulu olw’e Buckingham n’amuggyako obuvunaanyizibwa bwonna bwe yali yamuwa.

Amugaanyi okuddamu okukola emirimu gy’Obwakabaka era n’amuggyako n’omusaala ogwa pawunda 20,750 (mu za Uganda obukadde 93) buli mwezi.

Okutuuka okuva mu mutabani we, agambibwa nti gw’asinga okwagala mu baana be bonna, Kkwiini yamaze kwesanga mu kaseera akazibu ng’obwakabaka bwa Bungereza bwongedde okukubwamu ebituli olw’enziro Omulangira Andrew gy’ayongedde okubusiiga so nga busangiddwa n’ebizibu naddala bannansi ba Bungereza okwebuuza oba mu kyasa kino bukyalina omugaso.

Emberebezi evudde ku Mulangira Andrew okugenda ku ttivvi okugezaako okulongoosa erinnya lye ku nkolagana ye n’essajja li nnaggagga likaggwensonyi era limulyabuto eriyitibwa Jeffrey Edward Epstein eryetugidde mu kkomera nga August 10, 2019 oluvannyuma lw’okusingibwa emisango egy’obwa mulyabuto.

Omulangira Andrew ne nnaggagga Epstein babadde bafanfe era amawulire agabadde gattottola enkolagana yaabwe nga galaga engeri bannende bano gye babadde bafutubbalira ku bwana bwa bandi obuwala.

Bwe yabadde yennyonnyolako ku ttivvi, Andrew ate yabyonoonye bwonoonyi ne yeeyiwayo nti ddala abadde akolagana ne Epstein.

Kino kyatuusizza balooya b’abamu ku bazadde b’abaana abaakabassanyizibwa okusaba gavumenti ya Bungereza ekwate Omulangira Andrew ssinga alinnya ekigere mu America.

Kino kyakubye wala nnyo Abangereza olw’engeri Omulangira gy’attattanye Obwakabaka n’olulyo Olulangira era abagoberezi b’ebyobufuzi obw’ennono baategeezezza nti kino kyekango kyennyini ekikyasinze okuwuniikiriza amatu okuva mu 1936, Kabaka Edward VIII bwe yasalawo okuva ku nnamulondo asobole okuwasa nnakyeyombekedde Wallis Simpson enzaalwa ya America.

More From The Author

Emboozi z’omuwandiisi endala

Emboozi endala

Kalendeweds1 220x290

Obunkenke e Namirembe nga Reverand...

Abooluganda n’emikwano gya bagole ababadde mu lutikko baasirikiridde buli omu nga bwatunuulira munne okutuusa Rev....

Saba 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Nakalembe1 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Sebulime1 220x290

Famire ya Ssebulime ekukkuluma...

FAMIRE y’omugenzi Ronald Ssebulime eyakubwa poliisi amasasi ng’ateeberezebwa okuba mu lukwe lw’okwagala okutta...

War1 220x290

Tekinologiya wa Iran asannyalazza...

TRUMP yabadde takisuubira nti Iran erina tekinologiya asobola okusannyalaza ennyonyi za America! Kyamukubye wala...