TOP

'Abakozi mukomye okwemulugunya'

By Joseph Mutebi

Added 13th December 2019

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya nti bwe batakyusa ku mpisa zaabwe obwabwe bubakeeredde kubanga tebasuubira kuva ku ddala erisooka okudda ku ddala.

Steelandtubebyjmutebi2 703x422

Ow'okusattu ku ddyo Joseph Yiga ne mukyala we Regius YIga n'abamu ku be baddukanya nabo kkampuni ya Steel And Tube. WANO nga basala keeke oy'omukolo gw'okwebaza Katonda okunywa mu kampuni endala akendo omwaka guno. Ekif Joseph Mutebi

Abalabudde nti bwe bateggyeemu nkwe, okwevuganya okutalina mulamwa ku mirimu n'agamba nti ne bwe waba nga waliwo ebitatambula bulungi babikwate mpola kubanga mu nsi buli wantu waliwo okusoomoozebwa era bakomye okwegeraageranya ne balala nga tebannatuukayo kubanga buli kintu kiriko ekiseera kyakyo ekituufu.

 

Bino Faaza Kalanzi yabyogeredde ku kitambiro kya mmisa ekyategekeddwa ku kkolero lya Steel And Tube Industries e Namanve mu disitulikiti y’e Mukono, nnannyini kampuni eno, omugagga Joseph Yiga, famire ye okuli mukyala we Regius Yiga n’abakozi be, bwe baabadde beebaza Katonda okubasobozesa ne batuuka ku kkula ly’okufuna engule y’okunywa mu makampuni gonna agakola ebyuma bya “Steel” agasoba mu 500, omwaka guno akendo.

Faaza Kalanzi yagambye nti kkampuni ng’eno ekulembeza Katonda mu buli ky'ekola oba ky'etuuseeko teyinza kulemwa kubeera ku mwanjo ku ndala z'evuganya nazo era n'abasabira omukisa n'omwaka ogujja Katonda ayongere okubakolera ebyamagero ebisinga ne kkampuni endala mu “East Africa”.

 

Yawadde bannannyini kkampuni nabo okukwata abakozi bulungi nga Yiga bw'akwata ababe ekyatuuse n’okumusobozesa okuwangula engule essatu omwaka guno okuli “Kampuni eyasinze okwoleesa ebyuma bya ‘Steel’, okukola ebyuma bya ‘Steel’ eby’omutindo gattako okukola ebyuma bya ‘steel’ ebivuganya ku mutindo gw’ensi yonna.

Omugagga Yiga yasiimye abakozi be okubeera n’omutima gwa kkampuni buli muntu n'agitwala nga eyiye ssaako n’okukulembeza Katonda mu buli kye bakola kubanga ne bw’okola okufiirawo nga Katonda takkiriza obeera omaze biseera.

“Ffe kkampuni eno twagitandikira ku musingi gwa Katonda era kwetugitambuliza buli kye tukola tukulembeza Katonda ,” bw'atyo Yiga bwe yategeezezza.

 

 

More From The Author

Emboozi z’omuwandiisi endala

Emboozi endala

Bod1 220x290

Aba Boda boda babagobye ku njaga...

Aba Boda boda babagobye ku njaga ne babawa obujaketi

Ku1 220x290

Ebiku bizinzeeko essabo e Kawempe...

Ebiku bizinzeeko essabo e Kawempe bajjajja ne babuna emiwabo

Salma 220x290

‘Siyinza kuganza mwana ne kitaawe...

ABATUUZE b’e Namungoona baalabye katemba omukozi ne mukama we bwe beerangidde ebisongonvu lwa kumugoba ku mulimu...

Nakayenze 220x290

Bazzeemu okutiisatiisa omubaka...

OMUBAKA omukazi owa disitulikiti y’e Mbale mu Palamenti Connie Nakayenze Galiwango bimusobedde eka ne mu kibira...

Jake1 220x290

Musajja wa Trump akoze olutalo...

WAABADDEWO akasattiro mu Palamenti ya Amerika, omusajja omuwagguufu bwe yakubye abaserikale ekimmooni n’alumba...