TOP

Ebyokwerinda binywezeddwa mu Kira

By Musasi wa Bukedde

Added 15th February 2020

ABOOBUYIZA nga bakulembeddwaamu RDC wa Kira, Joseph Ssekasamba Muhoozi, bongedde aba LDU mu munisipaali eno okunyweza ebyokwerinda.

Lt. Twaha Ssali akulira enkambi za Kasangati ne Kira asabye abakulembeze b’ebyalo okukolagana obulungi n’aba LDU be babawadde era n’abakuutira nti, singa wabeerawo obuzibu mu kitundu oba enneeyisa embi okuva gye bali, bagoberere emitendera batwale ensonga eri abakulu okuviira ddala mu bakulembeze ababatwala.

Agambye nti, bagenda kugaba aba LDU 320 nga batuukiriza ekiragiro kya Pulezidenti. RDC Ssekasamba asabye aba LDU bano obutagattika byabufuzi n’ebyokwerinda kubanga abeebyokwerinda tebaba na ludda bagoba nsonga.

Ate Mark Sserunjogi ssentebe w’omuluka gw’e Kimwaanyi agambye nti, kye bakoze kigenda kwongera okumalawo obubbi mu kitundu, n’obuzzi bw’emisango obw’enjawulo n’asaba aba LDU baleme kukozesa bubi kyambalo kyabwe n’emmundu okwonoona erinnya lyabwe.

DPC w’e Kasangati, SP Benson Muhangi agambye nti omulimu gw’okukuuma abantu gwanguwa bakwataganye.

Asabye abakulembeze b’ebyalo obuteenyigira mu kubba ttaka, wabula bakirwanyise.

Omukolo guno gwabaddeko ssentebe wa divizoni ya Kira Gerald Kizito, omumyuka we Pafras Mugooha, kkansala Shamim Nalwanga ne Bbaale Ahmed bassentebe b’ebyalo abava mu muluka gw’e Kimwanyi ne Kira.

Aba LDU bano baakugabibwa mu byalo 17.

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono