TOP

Njuki eyali munnamawulire wa Amin aziikiddwa

By Ponsiano Nsimbi

Added 8th January 2020

OBUSIRAAMU bukungubagidde eyali munnamawulire wa Idi Amin Hajji Edirisa Njuki Mayanja 72, eyafiiridde mu ddwaaliro lya Case Hospital ku Buganda Road.

Njuki1 703x422

Sheikh Ndirangwa ng'akulembeddemu okusaalira omugenzi Njuki (mu katono) mu muzikiti e Kibuli. Abalangira Khalifan Kakungulu ne Kassim Nakibinge nabo babaddeyo.

Bya PONSIANO NSIMBI

OBUSIRAAMU bukungubagidde eyali munnamawulire wa Idi Amin 
Hajji Edirisa Njuki Mayanja 72, eyafiiridde mu ddwaaliro lya Case Hospital ku Buganda Road.
 
Hassan Mayanja muto w’omugenzi yateegezezza nti Hajji Njuki amaze omwezi gumu n’ekitundu mu ddwaaliro ng’ajanjabibwa ng’atawanyizibwa obulwadde bwa sukaali ne puleesa.


Nga tanaziikibwa waabaddewo okumusalira n’okumukungubagira mu maka ge e Busega Kigwanya zooni ne ku muzikiti e Kibuli okwakulembeddwaamu Supreme Mufti Sheikh Sulaiman Kasule Ndirangwa eyamwogeddeko ng’abadde omuweereza w’Obusiraamu omulungi era ayagala ennyo eddiini ye. 


Ate omulangira Kassim Nakibinge yamwogeddeko ng’abadde omusajja omwesimbu era alina omukwano ogwannamaddala, omukakamu era omuweereza w’obusiraamu. 

Yasabye ababaka ba palamenti okwongera ku ssente za bajeeti y'eby’obulamu okusobola okutaasa obulamu bwa Bannayuganda. 

Hajji Twaha Kaawaase, omumyuka asooka owa Katikkiro wa Buganda yagambye nti Obuganda bufiiriddwa omu ku basajja ababadde beebuzibwako ku nsonga z’ebyafaayo by'eggwanga. 

Njuki aziikiddwa ku kyalo Ssugu mu disitulikiti ey'e Buikwe.

More From The Author

Emboozi z’omuwandiisi endala

Emboozi endala

Sit114 220x290

Gavumenti etandikidde Bwaise okugaba...

Gavumenti etandikidde Bwaise okugaba emmere

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....