TOP
  • Home
  • Amawulire
  • Abakyala ba Owino basitudde enkundi ku by'okukyalira ensiko

Abakyala ba Owino basitudde enkundi ku by'okukyalira ensiko

By Musasi wa Bukedde

Added 15th February 2020

ABAKYALA abakolera mu katale ka St. Balikuddembe baanukudde minisita w'ekikula ky'abantu n'obuwangwa Peace Mutuuzo ku kya Gavumenti okuwera abawala okukyalira ensiko.

Sinza 703x422

Kabanyana (wakati) omu ku baakulembedde bakyala banne okuvumirira minisita Mutuuzo.

ABAKYALA abakolera mu katale
ka St. Balikuddembe baanukudde
minisita w'ekikula ky'abantu
n'obuwangwa Peace Mutuuzo ku
kya Gavumenti okuwera abawala
okukyalira ensiko.
Bino byabaddewo ku Lwokusatu
ku ssengejjero ly’amawulire erya
Gavumenti (Media Center), Mutuuzo
bwe yasinzidde mu lukiiko
lwa bannamawulire n’ategeeza
nga Gavumenti bw’eteekateeka
okutandika okuvunaana abantu,
abeeyita bassenga n'abamu ku
bametulooni b'amasomero
abali emabega w’okusomesa abayizi
abawala okukyalira ensiko.
Embeera eno ye yatabudde
abakyala mu katale ka St. Balikuddembe
abeegattira mu kibiina kya
‘Tugunjuke Community Initiative’
ekikulemberwa Winnie Kabanda
‘Ssenga Smart’ era nga y’omu ku
badayirekita baakyo.
Bawabudde minisita ono
okugenda empola ku nsonga
y'okukyalira ensiko nga bagamba
tekoma kubeera ya nkizo nnyo
mu buwangwa obumu nga Buganda
wabula eyambye n'abamu
ku bakyala okuganja mu bufumbo
olw’okusanyusanga abaami baabwe
abagikkiririzaamu.
"Tusaba minisita okusooka
okumanya obukulu bw'ensonga
y'okukyalira ensiko gy’ayagala
gavumenti ewere kubanga abamu
y’etuyambye okukuuma obufumbo
bwaffe n'okufuna ebirungi omuli
ebyapa by'ettaka ne kapito gwe
tukozesa mu buzinensi zaffe”, Aisha
Nakasiita ne Ruth Kabanyana
abatunda emivumba mu zooni ya
Poliisi mu St. Balikuddembe bwe
bategeezezza ku Lwokubiri nga
baanukula ebigambo
Mutuuzo. Abasuubuzi abalala
okwabadde Kabanda ne Jesca Nassali
bajulizza enkola ya bajjajjaabwe
abatakkirizibwanga kuweereza
baami baabwe mmere eteri mbikke
okusobola okugikuumiramu ebbugumu
n'okugitangira obucaafu
okugigendamu.
Basabye minisita okusooka okwebuuza
ku bakulembeze b'ennono
n'obuwangwa obw’enjawulo ku
nsonga eno nga tanneeyongerayo.

More From The Author

Emboozi z’omuwandiisi endala

Emboozi endala

Sit114 220x290

Gavumenti etandikidde Bwaise okugaba...

Gavumenti etandikidde Bwaise okugaba emmere

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....