TOP
  • Home
  • Amawulire
  • Poliisi e Mukono ekedde kulwagana na ba bboodabooda

Poliisi e Mukono ekedde kulwagana na ba bboodabooda

By Henry Nsubuga

Added 26th March 2020

Poliisi e Mukono ekedde kulwanagana na ba bodaboda abagaanye okuteeka mu nkola ekiragiro kya pulezidenti ekiyimiriza ebidduka ebisaabaza abantu okukomya okukola n'okutandika n'olwaleero.

Goba1 703x422

Abamu ku babodaboda baweweenyuddwa kibooko ne pikipiki zaabwe ne zikwatibwa ne zitwalibwa ku poliiisi y'e Mukono.

Embeera bweti bw'eri ne mu kabuga k'e Mbalala ng'eno poliiisi pikipiki bazitutte ku poliiisi y'e Mbalala.

Bbo aba takisi baagondedde ekiragiro kino era teri wadde n'emu eyakoze. Endala zisangiddwa nga zaasimbiddwa mu paaka yaazo e Mukono.

Abantu abaakedde nga baluubirira okutambula nga bagenda mu bitundu okuli Lugazi, Jinja, Mbale n'ewalala bakonkomalidde ku bakubo tebalaba abatwalako.

Kitegeerekese nti ab'obumotoka obutono abayimirira okubatwala e Mbale basaba wakati w'emitwalo 5-10, e Jinja 25000 n'e Lugazi mutwalo.

Abantu bagamba nti pulezidenti aveeyo ayimirize bbanka okukanda abantu ssente za looni kuba ze zibatadde ku bunkenke ne bava ewaka okujja okukola.

 

 

 

More From The Author

Emboozi z’omuwandiisi endala

Emboozi endala

Kag1 220x290

Ekizibu kya corona kisaza abantu...

Ekizibu kya corona kisaza abantu entotto

Kit1 220x290

Embeera ya Kenzo mu Ivory Coast...

Embeera ya Kenzo mu Ivory Coast ekanze abawagizi be

Acfc67552a0b422590ccdbe84492c45a 220x290

Minisita Ssempijja akubirizza Bannayuganda...

Minisita Ssempijja akubirizza Bannayuganda okulima

Kat18 220x290

Engeri Ssennyiga omukambwe gy’awadde...

Engeri Ssennyiga omukambwe gy’awadde abamu ‘essanyu’

Lwe11 220x290

Obugubi abasajja bwe bayitamu olw’okusiiba...

Obugubi abasajja bwe bayitamu olw’okusiiba awaka