TOP
  • Home
  • Amawulire
  • Poliisi eyodde aba bboodabbooda ne takisi e Nateete

Poliisi eyodde aba bboodabbooda ne takisi e Nateete

By Musasi wa Bukedde

Added 26th March 2020

Abasaabaze ku nguudo okuli; Nakawuka, Mityana ne Masaka Road, bakedde kukonkomalira ku makubo oluvannyuma lw'abeebidduka by'olukale naddala aba takisi okuteeka ekiragiro kya pulezidenti mu nkola.

Kizza1 703x422

BYA MARTIN KIZZA

Ku lw'okusatu, Pulezidenti Museveni yaayimirizza entambula y'olukale yonna okumala ennaku14, mu kaweefube w'okulwanyisa obulwadde bwa COVID-19 obufuuse ekizibu mu nsi yonna.

Kino kiteereddwa mu nkola era paaka omubeera takisi ezisaabaza abantu ku luguudo lw'e Masaka okuli; ey'e Nakawuka, ey'e Masaka esangibwa ku nkulungo y'e Busega, ey'e Mityana esangibwa e Busega zonna nzigale.

Abantu abaakedde okutambula baakedde kukonkomalira ku makubo n'engugu zaabwe nga tewali ntambula.

Wadde ng'abagoba ba bodaboda nabo baayimiriziddwa okusaabaza abantu, naye abamu bagufudde mugano okutambuza abakonkomalidde ku makubo.

Ku luguudo lw'e Masaka, boda etikka abasaabaze babiri ku 80,000/- buli omu, ate ku lw'e Mityana nayo gutyo, batikka babiri ku 60,000/- buli omu nga zino abasaabaze baazisasula tebannalinnya, nga singa embeera etabuka mu kkubo owa boda asigala tafiiriddwa.

Bakira abasaabaze pikipiki bazirinnya balwana naye nga nazo ezikola ntono.

Tulafiki ekutte Takisi ezikola

Poliisi y'ebidduka e Nateete ekoze ekikwekweto ku ntambula z'olukale okuli; Baasi ne Takisi nga bakira ezitisse  abasaabaze abasaabaze babaggyamu nezisimbibwa ku poliisi e Nateete tezikkiriziddwa kweyongerayo.

Embeera mu Katale k'e Nateete

Abasuubuzi mu katale k'e Nateete nabo ekiragiro kya pulezidenti bakitadde mu nkola, amaduuka gonna n'abasuubuzi abatatunda byakulya amaduuka gaabwe n'ebifo webakolera biggale, mulimu batunzi ba mmere bokka.

Bbo abasaabaze bakukkulumidde gavumenti olw'obutabawaayo kadde kutambula ne balyoka bateeka ekiragiro mu nkola.

 

alt=''

 

 

 

 

 

 

 

 

 

 

More From The Author

Emboozi z’omuwandiisi endala

Emboozi endala

Mknmu21 220x290

Ababadde batwala omulambo batuuyanye...

Abatuuze ku kyalo Nassuuti mu munisipaaali y’e Mukono baasitaanye okufuna ebiwandiiko ebitambuza omulambo gwa munnaabwe...

1bc8d9398e5f4a07a3307fdfeb1d90ad 220x290

Kasujja omukulu w'ekika ky'Engeye...

OMUTAKA Hajj Mohamood Minge Kibirige Kasujja abadde akulira ekika ky’engeye obulwadde bwa sukaali ne puleesa bimugye...

Mkncov11 220x290

Ab’e Mukono batandise ekifo aw’okukuumira...

Ab’e Mukono batandise ekifo aw’okukuumira abateeberezebwa okuba ne Coronavirus

414009d1dd2349e0bd6b4678886a42d21 220x290

Kabaka awaddeyo obukadde 100 okuyamba...

KABAKA Ronald Muwenda Mutebi II addukiridde Bannayuganda n’obuyambi obw’enjawulo obubalirirwa obukadde 100 ng’ensimbi...

Lop2 220x290

Omusumba Bp. Silvester Kisitu asabye...

Omusumba Bp. Silvester Kisitu asabye Bannayuganda okubeera abaweereza abalungi