TOP

Kozesa omwetango okujjanjaba olukusense

By Musasi wa Bukedde

Added 17th May 2018

Kozesa omwetango okujjanjaba olukusense

Reb2 703x422

Omusajja ng'ava okutema omwetango okujjanjaba omulwadde w'olukusense.

Obulwadde bwa mulangira abamu bwe bayita olukusense butawaanyizza abantu mu bitundu ebitali bimu. Edda twali tubumanyidde mu baana bokka wabula ennaku zino n'abakulu bubakwata ate ne bayisibwa bubi nnyo.

Embeera eno yawalirizza Gavumenti okussaawo okugema okw'ekikungo okusobola okutangira abaana okulumbibwa obulwadde. Robinah Namabiro, omutuuze mu zooni y’e Buwenge Mpya mu kibuga ky’e Kamuli, mu disitulikiti y’e Kamuli yagambye nti ebikoola by'omwetango (mu busoga gwe bayita 'nnamuvu') ddagala ku bulwadde bw'olukusense. Gulina ekirungo ekiyamba okunyiga amabwa ne gakala mangu Omwetango guyamba okukkakkanya ebbugumu mu mubiri erireetebwa olukusense.

Obulwadde bwe buba bugaanidde munda eddagala lye limu liyamba okubufulumya Amabwa ag’omu kamwa ne mu ddookooli gaba ga bulabe kubanga gakkira ddala okutuuka mu lubuto. Mu mbeera eno omulwadde atandika okufulumya omukka oguwunya ekivundu olw'ebiwundu ebiri mu mubiri.

Namabiro yayongeddeko nti ate omwetango bw’ogugatta n'ebbombo eddagala likola mangu. Okwejjanjaba oyinza okufuna ebikoola by'omwetango n'eby'ebbombo obiyengere mu mazzi mu bbaafu n’anaaze omulwadde mu biseera ebigere.

Ebimu biyengere mu kikopo ng'okozesezza amazzi amayonjo ate engalo zo zirina okuba nga zitukula. Bwe bigonda obulungi ttululamu amazzi 0luvannyuma ssaamu omunnyo mutono omulwadde anywe emirundi esatu olunaku. Omwana, musiimuule mu kamwa okuggyamu ebicaafu.

More From The Author

Emboozi z’omuwandiisi endala

Emboozi endala

Salawo 220x290

BUKEDDE W’OLWOMUKAAGA AFULUMYE...

Bobi Wine alaze ky’agenda okuzzaako kyokka poliisi nayo erabudde aba People Power ku kugondera amateeka. Mulimu...

Giroud2 220x290

Besiktas eswamye Giroud okumuggya...

Giroud, yali omu ku bazannyi abaayamba Bufalansa okusitukira mu World Cup mu July wabula mu Chelsea, ennamba etandika...

Herreranerojo1 220x290

Abazannyi 4 ogwa ManU ne Wolves...

Rojo tannatereera bulungi buvune wabula okudda kwa Phil Jones kwakuggumiza ManU.

Meeyassenoganomumyukawekansalakaggwangaayogeramulukiikolwampigitowncouncil 220x290

Kirumira bamubbuddemu oluguudo...

Abakiise batenderezza Kirumira omwana waabwe enzaalwa y’e Mpambire mu Mpigi Town Council okubeera omusaale mu kutunda...

Omuvubukaabaddeyefuddeomulalungalikukabangaliyapoliisiempigi 220x290

Yeefudde omulalu n’ayingira ofiisi...

Omuvubuka ono yasoose kwesuula mu kidiba ky’ebbumba mu kabuga k’e Mpigi kyokka poliisi y’e Mpigi n’emunnyululayo...