TOP

Okuyonsa gwe musingi gw'obulamu

By Ruth Nazziwa

Added 8th August 2018

Yonsa omwana mu ssaawa esooka ng'azaaliddwa omugeme endwadde ezandimulumbye.

1eriotkigongowebpic 703x422

Muky. Eriot Kigongo ow'e Namasuba - Kikajjo ng'ayonsa omwana we.

 

LEERO y’entikko ya kampeyini y’okuyonsa abaana omwaka guno era emikolo giri mu disitulikiti y'e Hoima kubanga y'emu ku disitulikiti ezitakoze bulungi mu nsonga y'okuyonsa abaana b’eggwanga.

Okuyonsa gwe musingi gw'obulamu era omwana ayonse akula bulungi, afuna mangu omubiri, talwalalwala ate abeera mugezi.

Loyce Kamusiime ku katale e Kibuli ayonsa era agamba nti, “Mpulira essanyu nga nnyonsa omwana wange kuba njagala akule bulungi era mmuwa obudde n’akkuta ate gye nkoma okuyonsa n’amabeere okujja era njagala nkozese okuyonsa obutamuzzaako mangu,” Kamusiime ku katale e Kibuli bwatyo bwagamba.

Omwogezi wa minisitule y’ebyobulamu, Vivian Nakaliika Sserwanja, agamba nti buli mwaka okuva nga July 1 okutuuka nga August 7, Uganda yeegatta ku nsi yonna okukuza wiiki y'okuyonsa era ng'omwaka guno, omubala gwe tutambuliddeko gugamba nti, "Okuyonsa gwe musingi gw'obulamu".

Ekitongole ky'ebyobulamu eky'ensi yonna ekya World Health Organisation (WHO) kiragira okuyonsa abaana mu mitendera esatu:

1. Mu ssaawa esooka ng’omwana yaakazaalibwa.

2. Okugenda mu maaso ng'oyonsa nga totabiikiriza na byakulya okutuuka lw’aweza emyezi mukaaga.

3. Omwana alina okuyonka wonna w’ayagalira asobole okukula obulungi.

 oyce amusiime ngayonsa Loyce Kamusiime ng'ayonsa.

 

Mu Uganda, buli mwaka abaana 66 ku 100 be bayonsebwa awatali kutabiikiriza na byakulya birala era nga mu nsi yonna, Uganda ekwata ekifo kya 23 mu kuyonsa abaana awatali kutabiikiriza na kyakulya kyonna.

Wadde nga tukyalina okusoomozebwa okulaba ng'abaana bayonsebwa kuba kitaasa omwana n’atafuna lubyamira n'okuddukana ate nga z'endwadde ezisinga okutta abaana abali wansi w'emyaka etaano mu Uganda.

Okunoonyereza kulaga nti buli mwaka, abaana 52 ku 100  abali wansi w'emyaka etaano be bafa lubyamira ate nga 33 ku 100 be bafa obulwadde bw'ekiddukano.

Naye ssinga bamaama basomesebwa ebirungi ebiri mu kuyonsa ne babimanya, basobola okuziyiza endwadde zino n'endala nnyingi ekitusobozesa okutumbula ebyobulamu mu baana abali wansi w’emyaka etaano ne bakula nga beeyagaza.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...