TOP

Aba lotale badduukiridde eddwaaliro ly'e Masaka n'eddagala

By Musasi wa Bukedde

Added 30th August 2018

Oluvannyuma lw'eddwaaliro ly'e Masaka okufuna obuzibu bw'eddagala eritamala balwadde abagendayo olw'obungi bwabwe, Bannalotale babakubye enkata.

Abeddwalirolyemasakangabakwasibwaeddaggalawebusemain 703x422

Frank Ssekalega, Pulezidenti wa Lotale Masaka (ku kkono), Dr. Nathan Onyachi (mu ssuuti eya kitaka) ne Dr. Stuart Musisi nga balaga eddagala eryaweereddwaayo.

 

Bya Phiona Nannyomo

Ab’e Masaka bafunye akaseko ku matama bwe bafunye eddagala eribadde ettono mu ddwaaliro ekkulu.

Ebbula ly'eddaggala mu malwaliro ga gavumenti e Masaka kimu ku bizibu ebisinga okweraliikiriza Bannamasaka.

Akulira eddwaaliro ekkulu e Masaka, Dr. Nathan Onyachi ategeezezza nti basanga okusoomoozebwa kw’okuba nti eddaggala eribaweebwa ttono kyokka ate nga eddwaaliro lifuna abantu bangi.

 bimu ku byuma ebyaweereddwa eddwaaliro okuyambako mu kujjanjaba Ebimu ku byuma ebyaweereddwa eddwaaliro okuyambako mu kujjanjaba

 

Dr. Onyachi agamba nti, ebiseera ebisinga bafuna abalwadde kyokka ng’eddaggala eririna okubakolako tebalirinaawo era bakomekkereza abalwadde babalagidde okugenda wabweru w'eddwaaliro okuligula.

Embeera eno yawaliriza abasawo okuva e Buyindi  nga bayita mu kitongole kya lotale okudduukirira eddwaaliro lino n'eddaggala okusobola okuweweeza ku kizibu kino.

Bano bagasseeko n'ebitanda abalwadde kwe banaasobola okwebaka naddala bannakazadde b'eggwanga.

 basawoku kkono nga balaga egimu ku mifaliso egyaweereddwa eddwaaliro Abasawo(ku kkono) nga balaga egimu ku mifaliso egyaweereddwa eddwaaliro

 

Akulira ebyobulamu mu disitulikiti y’e Masaka, Dr. Stuart Musisi asabye gavumenti okufaayo ennyo ku malwaliro ng’erya Masaka bulijjo okugawanga ebikozesebwa ebyetaagisa ate mu budde kisobozese abasawo okukakkalabya emirimu gyabwe nga tebalina kye beekwasa.

Pulezidenti wa lotale y'e Masaka, Frank Ssekalega yagambye nti lotale yawaddeyo emifaliso, ebyuma eby'enjawulo ebikozesebwa mu ddwaaliro n'eddagala okuyambako ku bwetaavu bw'eddwaaliro lino erifuna abalwadde abangi ddala.

More From The Author

Emboozi z’omuwandiisi endala

Emboozi endala

Drstella1562588246355aspr1308w760h581e 220x290

Ogwa Dr. Stella Nyanzi okulebula...

DR. STELLAH Nyanzi, emisango gye egy’okuvuma President Yoweri Kaguta Museveni ng’ayita ku mukutu gwa facebook gya...

Luck 220x290

Empuliziganya kikulu mu bufumbo...

WADDE ssente omuntu asobola okuzifunira mu Uganda, kizibu kino okukikakasa abantu abamu y’ensonga lwaki buli olukya...

Coulple 220x290

By’okola okwewala ekyeyo okusattulula...

RACHEAL 49, yaakamala emyaka 15 mu bufumbo era balina abaana basatu. Emirimu agikolera bweru wa Uganda, wabula...

69403329063enmasterfile 220x290

Omusajja amalako weepimire ku luyimba...

OMUSAJJA amalako alina kwepimira ku luyimba lw’oku leediyo. Bw’ossaako oluyimba naawe n’otandika akaboozi, n’okooyera...

Forever 220x290

Brenda nvaako nze nfi ira ku bakazi...

OMUYIMBI Chris Evans ayanukudde omuwala manya omukazi Brenda Nafula eyabadde ku pulogulaamu y’Abanoonya ku Bukedde...