TOP

Abalwadde b'amaaso balongooseddwa e Masaka

By Musasi wa Bukedde

Added 10th September 2018

Abalwadde b'amaaso agaali gaaziba bazzeemu okulaba

Abasawongabalogosaomulwaddewebuse 703x422

Abasawo nga balongoosa omulwadde w'amaaso mu lusiisira e Masaka ku ddwaaliro.

Bya Stella Naigino

Oluvannyuma lw’okumala emyaka ng’eddwaaliro ly’e Masaka terifuna basawo b’amaaso, baasobodde okujjanjaba abalwadde abasukka mu 200 oluvannyuma lw’abasawo okuva e Buyindi n’aba wano ssaako aba Rotary Club of Kololo okukuba olusiisira lw’ebyobulamu ku ddwaaliro lino.

Catherine Nassali, akulira we bajjanjabira amaaso agamba nti eddwaaliro ly’e Masaka lyamala emyaka egisoba mu mukaaga nga tebalina alongoosa maaso.

“Abalwadde abasinga tubasindika Mulago kubanga wano tetulina busobozi. Abasinga kati babadde bazibidde ddala amaaso ate abalala tebalina busobozi bugenda Kampala,” Nassali bwe yagambye.

Wabula baafunye omukisa abasawo abava e Buyindi bwe bazze n’ebyuma ebirongoosa amaaso agaliko ensenke n’ago agaayimbaala era abantu bangi baakoleddwaako.

Nassali yategeezezza nti, ebyuma ebyaleeteddwa abakugu okuva e Buyindi byakusigala mu ddwaaliro naye eddwaaliro likyetaaga omukugu mu by’amaaso.

Charles Buwembo 48, y’omu ku balwadde BUKEDDE be yayogeddeko nabo agamba nti yafuna ensenke ku liiso mu 2008, ne bamulongoosa naye kati ekizibu kyali kizzeemu.

“Eriiso lino mbadde nalivaako nga ssente ze nasabibwa okulirongoosa zambula. Era nkozesezza omukisa guno okulongoosebwa,” Buwembo bwe yannyonnyodde.

Sarah Nalwoga 50, nga mutuuze w’e Kaliisizo naye teyalutumidde mwana. Ono aludde ng’atawaanyizibwa obulwadde bw’amaaso naye y’omu ku balwadde abaalongooseddwa amaaso.

“Mbadde sirina ssuubi lyakuddamu kulaba naye bwe bang’ambye nti waliwo okulongoosa amaaso ku ddwaaliro e Masaka ne nsitukiramu,” Nalwoga bwe yagambye.

 

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja