TOP

Gavumenti eweze emmere eteeberezebwa okubeeramu obutwa

By Musasi wa Bukedde

Added 21st March 2019

Gavumenti eweze emmere ey'obutwa eyasse abantu e Karamoja n'okuleka abalala nga bali bubi.

Vlcsnap2019031917h06m50s182webuse 703x422

Minisita Acheng ku Media Centre

Bya Jaliat Namuwaya

GAVUMENTI eweze bunnambiro emmere enkolerere emanyiddwa nga Super Cerial ebadde eweebwa abakyala b’embuto, abayonsa n’abaana okubayambako obutakonziba mu nkambi z’ababundabunda.

Kino kiddiridde ebiyiting’ana nti emmere eno yandibaamu obutwa oluvannyuma lw’abantu 3 okufa nga bagiriddeko gye buvuddeko nga kw’otadde n’abalala abasoba mu 262 mu bitundu bya Amudat ne Napak e Karamoja okukosebwa.

Mu lunkug’aanna lw’abaamawulire olwatuuziddwa ku Media Centre mu Kampala, minisita w’ebyobulamu Jane Ruth Acheng yagambye nti baasazeewo bawere emmere eno nga bwe banoonyereza.

Minisita w’e Karamoja, John Byabagambe agamba nti baasazeewo okukung’aanya emmere eno mu bantu abaali baagifuna edda mu disitulikiti ezirimu enjala mu Karamoja ne mu nkambi z’ababundabunda okutuusa ng’okunoonyereza kuwedde.

 bakaramoja bakosebwa enjala Abakaramoja bakosebwa enjala

 

Akulira ekitongole kya World Food Program mu Uganda, El khidir Daloum annyonnyodde nti, nabo tebamanyi ngeri mmere bwe yayingiramu butwa kuba balina abakugu abalondoola emmere eno okuva mu kugikola, okugitereka okutuuka lwe bagigabira abantu.

Akakasizza nti, bamaze emyaka egisoba mu 50 nga bakola omulimu ogw’okugaba emmere mu bantu abali mu bwetaavu era nga tebayinza kubawa mmere erimu butwa.

Kati basazeewo okwegatta n’ebitongole ebinoonyereza okulaba nga bazuulira ddala ekyasse abantu bano.

Emmere eno eriko akabuuza ekolebwa mu ggwanga lya Butuluuki.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...