TOP

Abakadde babanguddwa ku biyinza okubakuumira mu bulamu obweyagaza

By Musasi wa Bukedde

Added 6th May 2019

Abakadde bakubiriziddw aokukola dduyiro abayambe okutangira endwadde ezibakwata olw'okwezinga awamu.

Abamukubakaddeababaddebeetabyekumukologunonebiraboebyabaweereddwawebuse 703x422

Abamu ku bakadde abajjumbidde omusomo

Bya Joanita Nakatte

Mu bikujjuko by’okujaguza olunaku lw’abakozi mu ggwanga, abakulembeze okuva mu munisipaali y'e Mukono baasazeewo okutegekera abakadde omusomo ogw’enjawulo ku bwe bayinza okwekuumira ku mulembe n’obutafuna ndwadde eziyinza okubasaanyaawo mu kiseera we batandifiiridde.

Abakulembeze okwabadde bakansala ne bassentebe b’ebyalo eby’enjawulo mu Mukono baasoose kutegekera bakadde misinde olwo aboogezi ab’enjawulo ne babakubiriza okwewala okukozesa obukadde bwabwe ng’ekyokwekwasa okulera engalo n’obutabaako bye bakola, ekyongera okunafuya ebinywa by’emibiri gyabwe n’okwesibako endwadde.

 myuka meeya wa ukono amada ajoba ngakwasa abakadde ebbaafu Amyuka meeya wa Mukono, Jamada Kajoba ng'akwasa abakadde ebbaafu

 

Meeya George Fred Kagimu, yagambye nti basazeewo okumala obudde n’abakadde bano n’ekigendererwa eky’okubazza mu mbeera okulaba nga tebeekubagiza nga kw’ogasse n’okubanjulira ate era n’okubamanyisa obulungi bwa dduyiro ow’omugaso mu bulamu bwabwe ayinza okubayamba okwetangira endwadde ezibassa ku ndiri ssinga babeera bamwemanyiizizza.

Tulowooza nti, kino kye tukoze kigenda kuzzaamu abakadde essuubi n’okuteeka bye tubasomesezza mu nkola ku lw’obulungi bw’obulamu bwabwe, ate era n’obuwangaazi. Bwe banaakyusa mu mbeera zaabwe ezaabulijjo ze tubasomesezza okuli okulya obulungi, okwebaka ekimala n’okwenyigira mu mirimu egy’amaanyi ng’okulima, bino byonna byakubayamba okukuuma obwongo bwabwe nga bukola bulungi n’obuteerabira,” Kagimu bwe yategeezezza.

Yabasuubizza okubakolera enteekateeka ku ddwaaliro lya Gavumenti e Mukono okulaba nga bakolebwako amangu ddala nga batuuse mu ddwaaliro, kibayambeko obutayimirira n’okulinda ebbanga eggwanvu olw’obungi bw’abantu ababeera bazze okufuna obujjanjabi.

 eeya red agimu ngayogera eri abakadde Meeya Fred Kagimu ng'ayogera eri abakadde

 

Esther Nakyazze (Baroma) yakunze  abantu okuwa bakadde baabwe obudde obumala n’obutabasuulirira okwewala okweraliikirira n’okwekubagiza ekibaviirako okunafuwa n’okufuna endwadde ez’enjawulo ze batandifunye.

Yasabye abakadde okubaako emirimu egy’enjawulo gye beenyigiramu naddala egy’okutambula bafunemu nga beekuumira ku mulembe nga balamu, ate n’okufuna ensimbi entonotono ez’okwebeezaawo nga tebatunuulidde za baana baabwe.  

Hannington Kabugo, omu ku bavunaanyizibwa ku nsonga z’ebyobulamu mu kitongole kya KCCA era nga y’omu ku bawomye omutwe mu nteekateeka eno, yasuubizza okutegeka emisinde gy’abakadde ku ntandikwa y’omwaka ogujja ng’ ensimbi ezinaavaamu za kuyamba okujjanjaba abantu abakuliridde mu myaka naddala abalina endwadde ey’okukankana.

Abakadde ababadde abasanyufu baaweereddwa ebintu eby’enjawulo okwabadde leediyo, ebbaafu n’ebirabo ebirala ab’ekitongole ekya Perkinson’s okuva e Bungereza.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...